భారత్ - బంగ్లాదేశ్ రెండో టెస్టు.. మ్యాచ్ జరగడం డౌటే!

చెన్నైలో బంగ్లాదేశ్ తో జరిగిన తొలి టెస్ట్ మ్యాచ్ లో టీమిండియా 280 పరుగుల తేడాతో ఘన విజయం సాధించింది. ఈ విజయంతో సిరీస్ లో 1-0 ఆధిక్యంలో నిలిచింది. కాన్పూర్ వేదికగా ఈ నెల 27 నుంచి రెండో టెస్ట్ జరగనుంది. అయితే రెండో టెస్ట్ జరుగుతుందా? అనేది ఇప్పుడు ప్రశ్నార్థకంగా మారింది. గ్రీన్ పార్క్ స్టేడియంలో జరగనున్న ఈ మ్యాచ్ కు వర్షం ఆటంకంగా మారే అవకాశం ఉన్నట్టు వెదర్ అప్డేట్స్ వచ్చాయి. 

రెండో టెస్ట్ తొలిరోజున వర్షం పడే అవకాశం 92 శాతం ఉందని ప్రముఖ వాతావరణ వెబ్ సైట్ 'అక్యూవెదర్' తెలిపింది. ఈ వర్షం తొలిరోజు ఆటపై ప్రభావం చూపించే అవకాశం ఉందని చెప్పింది. మ్యాచ్ రెండో రోజున 49 శాతం, మూడో రోజున 65 శాతం, నాలుగో రోజున 56 శాతం వర్షం కురిసే అవకాశం ఉన్నట్టు తెలిపింది.