హైదరాబాద్-నాగపూర్ జాతీయ రహదారిపై భారీగా ట్రాఫిక్ జామ్
- ఓ యువతిని కక్షపూరితంగా కారుతో ఢీకొట్టించి చంపేశారని ఆరోపణలు
- జాతీయ రహదారిపై యువతి కుటుంబ సభ్యుల ఆందోళన
- జాతీయ రహదారిపై కిలో మీటర్ల మేర నిలిచిన వాహనాలు
హైదరాబాద్ - నాగపూర్ జాతీయ రహదారిపై శుక్రవారం భారీగా ట్రాఫిక్ జామ్ అయింది. దాదాపు 5 కిలో మీటర్ల మేర వాహనాలు నిలిచిపోయాయి. సిద్దిపేట జిల్లాలోని ఓ గ్రామంలో... నిన్న యువతిని కక్షపూరితంగా కారుతో ఢీకొట్టించి చంపేశారని ఆరోపిస్తూ బాధిత కుటుంబ సభ్యులు జాతీయ రహదారిపై ఆందోళనకు దిగారు. ఈ ప్రమాదంలో మరో నలుగురు కూడా గాయపడ్డారు. యువతి మృతికి కారణమైన వారిని శిక్షించాలని నిరసన చేపట్టారు. కుటుంబ సభ్యుల ఆందోళనతో వాహనాలు జాతీయ రహదారిపై కిలో మీటర్ల మేర నిలిచిపోయాయి.
