చూపులతో మత్తెక్కిస్తున్న కేతిక శర్మ!

తెలుగు తెరకి కృతి శెట్టి .. శ్రీలీలతో పాటు పరిచయమైన బ్యూటీ కేతిక శర్మ. ఈ ఢిల్లీ బ్యూటీ 'రొమాంటిక్' సినిమాతో తెలుగు తెరకి పరిచయమైంది. ఈ సినిమా ఫస్టు పోస్టర్ తోనే ఆమె కుర్రాళ్ల మనసులను కాజేసింది. అందాలను ఆరబోయడంలో ఎంత మాత్రం వెనకాడకపోవడంతో, కొంతకాలం పాటు ఆమె జోరు కొనసాగుతుందని అంతా అనుకున్నారు.అయితే ఆ సినిమా అంతగా ఆకట్టుకోలేకపోయింది. కథాకథనాల పరంగా ఆ సినిమా కనెక్ట్ కాకపోయినా, గ్లామర్ పరంగా మాత్రం ఆమెకి మంచి మార్కులు పడ్డాయి. అందువల్లనే ఆ తరువాత 'లక్ష్య' .. ' రంగరంగ వైభవంగా' సినిమాలు చేసే ఛాన్స్ వచ్చింది. 'లక్ష్య'లో ఆమెకి నటనకి మాత్రమే కాదు, గ్లామర్ పరంగా కూడా స్కోప్ లేకపోవడంతో ఆమె అభిమానులను ఆ సినిమా నిరాశపరిచింది. ఇక 'రంగరంగ వైభవంగా' ఫ్యామిలీ ఎంటర్టైనర్. ఈ సినిమా తప్పకుండా హిట్ అవుతుందని అనుకున్నారుగానీ, ఆశించినస్థాయికి చేరుకోలేకపోయింది. సినిమాలు లేవనే మాటేగానీ, ఆమె క్రేజ్ ఎంతమాత్రం తగ్గలేదు. ఈ నేపథ్యంలోనే ఆమె మాత్రం సరైన ఛాన్స్ కోసం వెయిట్ చేస్తూనే ఉంది. అవకాశాల కోసం ఫొటో షూట్ లు కానిస్తూనే ఉంది. తాజాగా వదిలిన ఫొటోలు చూస్తే, మత్తుకళ్లతోనే మనసులు చదివేస్తున్నట్టుగా ఉంది. త్వరలో మంచి ఛాన్స్ పట్టేస్తుందేమో చూడాలి మరి.