Vikram: మహేశ్ చేతుల మీదుగా 'పొన్నియన్ సెల్వన్' టీజర్ రిలీజ్!

మణిరత్నం దర్శకత్వంలో 'పొన్నియన్ సెల్వన్' సినిమా రూపొందింది. లైకా ప్రొడక్షన్స్ వారు నిర్మించిన ఈ చారిత్రక చిత్రం,   రాజరాజ చోళ పాలనా కాలంలో సాగుతుంది. విక్రమ్ .. కార్తి .. జయం రవి .. ఐశ్వర్య రాయ్ .. ఐశ్వర్య లక్ష్మి ప్రధానమైన పాత్రలను పోషించిన ఈ సినిమాకి ఏఆర్ రెహ్మాన్ సంగీతాన్ని సమకూర్చాడు. 

తమిళంతో పాటు తెలుగు .. మలయాళ .. కన్నడ .. హిందీ భాషల్లో ఈ సినిమాను సెప్టెంబర్ 30వ తేదీన విడుదల చేయనున్నారు. ఈ నేపథ్యంలో కొంతసేపటి క్రితం ఈ భాషలన్నింటిలోను టీజర్ ను రిలీజ్ చేశారు. తెలుగు టీజర్ ను మహేశ్ బాబు చేతులమీదుగా విడుదల చేయించారు. 

ప్రధానమైన పాత్రలను కవర్ చేస్తూ కట్ చేసిన ఈ టీజర్ లో, పోరాట సన్నివేశాలను హైలైట్ చేశారు. అలాగే కథలోని కొన్ని సున్నితమైన అంశాలను డైలాగ్స్ లేకుండా టచ్ చేశారు. ఏఆర్ రెహ్మాన్ సంగీతం ఈ సినిమాకి హైలైట్ గా నిలిచేలా కనిపిస్తోంది. ఈ సినిమా మరో సంచలనానికి తెర తీస్తుందేమో చూడాలి.