హైదరాబాద్‌లో రూ. 116 దాటేసిన పెట్రోలు ధర.. నేడు కూడా బాదేసిన చమురు సంస్థలు

చమురు సంస్థల బాదుడు కొనసాగుతోంది. గత పది రోజులుగా ప్రతి రోజూ ఇంధన ధరలను పెంచుకుంటూ పోతున్న సంస్థలు నిన్న ఒక్కరోజు కాసింత విరామం ఇచ్చాయి. మళ్లీ ఈ రోజు నుంచి పెంపు మొదలెట్టాయి. లీటరు పెట్రోలుపై 90 పైసలు, డీజిల్‌పై 87 పైసలు పెంచాయి.

ఫలితంగా హైదరాబాద్‌లో లీటరు పెట్రోలు ధర రూ. 116.32కు చేరుకోగా, డీజిల్ ధర రూ. 102.45కు పెరిగింది. ఢిల్లీలో ఈ ధరలు వరుసగా రూ. 102.61, డీజిల్ రూ. 93.87గా ఉన్నాయి. ముంబైలో లీటరు పెట్రోలు ధర రూ.117.57, డీజిల్ ధర రూ. 101.79కి చేరుకున్నాయి.