Mirchi: మిర్చికి రికార్డు ధర... ఎనుమాములలో ఆల్ టైం హై రేటు
మిర్చి ధర అంతకంతకూ పెరుగుతోంది. ఎర్ర బంగారంగా పిలిచే మిర్చికి ఎప్పుడూ పెద్దగా మద్దతు ధర దక్కిన దాఖలా లేదు. అయితే ఇటీవలి కాలంలో మిర్చి రైతులకు మంచి ధరలు దక్కుతున్నాయి. ఈ క్రమంలో వరంగల్ పరిధిలోని ఎనుమాముల మార్కెట్లో దేశవాళీ మిర్చికి రికార్డు స్థాయిలో క్వింటాల్కు రూ.52 వేల ధర దక్కింది.
గత వారంలో ఇదే మార్కెట్లో దేశవాళీ మిర్చికి రూ.42వేల నుంచి రూ.45 వేల ధర పలికిన సంగతి తెలిసిందే. ఈ ధరలే రికార్డు స్థాయి ధరలంటూ ప్రచారం సాగగా.. ఆ ధరలను దాటేసి క్వింటాల్ మిర్చి ఏకంగా రూ.52 వేలు పలకడం గమనార్హం. ఈ ధర మిర్చికి సంబంధించి ఈ మార్కెట్లో ఆల్ టైం హై రేటేనని అధికారులు చెబుతున్నారు. మిర్చికి అంతకంతకూ రేటు పెరుగుతున్న వైనంపై అన్నదాతలు హర్షం వ్యక్తం చేస్తున్నారు.
గత వారంలో ఇదే మార్కెట్లో దేశవాళీ మిర్చికి రూ.42వేల నుంచి రూ.45 వేల ధర పలికిన సంగతి తెలిసిందే. ఈ ధరలే రికార్డు స్థాయి ధరలంటూ ప్రచారం సాగగా.. ఆ ధరలను దాటేసి క్వింటాల్ మిర్చి ఏకంగా రూ.52 వేలు పలకడం గమనార్హం. ఈ ధర మిర్చికి సంబంధించి ఈ మార్కెట్లో ఆల్ టైం హై రేటేనని అధికారులు చెబుతున్నారు. మిర్చికి అంతకంతకూ రేటు పెరుగుతున్న వైనంపై అన్నదాతలు హర్షం వ్యక్తం చేస్తున్నారు.
