బిపిన్ రావత్ క్షేమంగా ఉండాలని ప్రార్థిస్తున్నా: సీఎం జగన్

తమిళనాడులోని సూలూరు ఎయిర్ బేస్ నుంచి ఊటీ సమీపంలోని డిఫెన్స్ కాలేజీకి వెళుతుండగా సీడీఎస్ బిపిన్ రావత్ ప్రయాణిస్తున్న హెలికాప్టర్ కుప్పకూలింది. ఈ ఘటనపై ఏపీ సీఎం జగన్ తీవ్ర దిగ్భ్రాంతి వ్యక్తం చేశారు. తమిళనాడులో సైనిక హెలికాప్టర్ కూలిపోయిందన్న సమాచారం తీవ్రంగా కలచివేసిందని పేర్కొన్నారు. సీడీఎస్ జనరల్ బిపిన్ రావత్ క్షేమంగా ఉండాలని ప్రార్థిస్తున్నానని తెలిపారు.

ఈ ప్రమాదంలో మరణించినవారి కుటుంబాలకు ప్రగాఢ సానుభూతి తెలియజేస్తున్నానని వెల్లడించారు. ఈ కష్టకాలంలో వారికి మనోనిబ్బరం లభించాలని కోరుకుంటున్నానని సీఎం జగన్ వివరించారు. ఈ మేరకు ట్విట్టర్ లో స్పందించారు.