హైదరాబాదు వాటర్ ట్యాంకు ఘటనలో మృతుడిని గుర్తించిన పోలీసులు

హైదరాబాదులో రాంనగర్ పరిధిలో జలమండలి వాటర్ ట్యాంకులో శవం పడివుండడం తీవ్ర కలకలం రేపింది. దీనిపై ప్రజలు తీవ్ర ఆందోళన చెందారు. ఈ ఘటనపై కేసు నమోదు చేసుకున్న పోలీసులు.... మృతుడు ఎవరన్నది గుర్తించారు.

అతడి పేరు కిశోర్. చిక్కడపల్లిలోని అంబేద్కర్ నగర్ వాసి. రెండు వారాల కిందట కిశోర్ కనిపించడంలేదంటూ చిక్కడపల్లి పోలీసులకు ఫిర్యాదు అందింది. వాటర్ ట్యాంకు నుంచి తెలికితీసిన మృతదేహం అతడిదేనని గుర్తించారు. అతడి చెప్పుల ఆధారంగా పోలీసులు గుర్తించినట్టు తెలుస్తోంది. కాగా, అతడి మరణం ఎలా సంభవించింది? అన్నది తేలాల్సి ఉంది.