Curfew: ఏపీలో రేపటి నుంచి కర్ఫ్యూ ఆంక్షల సడలింపు
ఏపీలో కరోనా పాజిటివిటీ రేటు తక్కువగా ఉన్న జిల్లాల్లో రేపటి నుంచి కర్ఫ్యూ ఆంక్షలు సడలిస్తున్నారు. దీనిపై ప్రభుత్వం కొన్నిరోజుల కిందటే వెల్లడించగా, నేడు జీవో జారీ చేసింది. కరోనా పాజిటివిటీ రేటు 5 శాతం కంటే తక్కువ ఉన్న జిల్లాల్లో ఉదయం 6 గంటల నుంచి రాత్రి 9 గంటల వరకు ప్రజా కార్యకలాపాలకు అనుమతినిచ్చారు. రాత్రి 10 గంటల నుంచి మరుసటి రోజు ఉదయం 6 గంటల వరకు కర్ఫ్యూ అమల్లో ఉంటుంది.
తాజా జీవో ప్రకారం... కరోనా వ్యాప్తి ఎక్కువగా ఉన్న తూర్పు గోదావరి, పశ్చిమ గోదావరి, చిత్తూరు, కృష్ణా జిల్లాల్లో ఉదయం 6 నుంచి సాయంత్రం 6 వరకు ప్రజా కార్యకలాపాలు కొనసాగించుకోవచ్చు. సాయంత్రం 6 గంటల నుంచి మరునాడు ఉదయం 6 గంటల వరకు ఈ నాలుగు జిల్లాల్లో కర్ఫ్యూ అమల్లో ఉంటుంది. ఇక మిగిలిన 9 జిల్లాల్లో ఉదయం 6 నుంచి రాత్రి 9 వరకు కర్ఫ్యూ సడలించారు.
కాగా, ఏపీ ప్రభుత్వం గతంలో విధించిన కర్ఫ్యూ నేటితో ముగియనుంది. దాంతో జులై 7 వరకు కర్ఫ్యూను పొడిగిస్తున్నట్టు తాజా జీవోలో పేర్కొన్నారు. పలు జిల్లాల్లో ఆంక్షల సడలింపులు కూడా అప్పటివరకు వర్తిస్తాయి.
తాజా జీవో ప్రకారం... కరోనా వ్యాప్తి ఎక్కువగా ఉన్న తూర్పు గోదావరి, పశ్చిమ గోదావరి, చిత్తూరు, కృష్ణా జిల్లాల్లో ఉదయం 6 నుంచి సాయంత్రం 6 వరకు ప్రజా కార్యకలాపాలు కొనసాగించుకోవచ్చు. సాయంత్రం 6 గంటల నుంచి మరునాడు ఉదయం 6 గంటల వరకు ఈ నాలుగు జిల్లాల్లో కర్ఫ్యూ అమల్లో ఉంటుంది. ఇక మిగిలిన 9 జిల్లాల్లో ఉదయం 6 నుంచి రాత్రి 9 వరకు కర్ఫ్యూ సడలించారు.
కాగా, ఏపీ ప్రభుత్వం గతంలో విధించిన కర్ఫ్యూ నేటితో ముగియనుంది. దాంతో జులై 7 వరకు కర్ఫ్యూను పొడిగిస్తున్నట్టు తాజా జీవోలో పేర్కొన్నారు. పలు జిల్లాల్లో ఆంక్షల సడలింపులు కూడా అప్పటివరకు వర్తిస్తాయి.
