Nithin: కొత్త దర్శకుడికి ఛాన్స్ ఇచ్చిన నితిన్?

నితిన్ వరుస సినిమాలు చేసుకుంటూ వెళుతున్నాడు. తన సినిమాల విజయాలకు .. పరాజయాలకు అతీతంగా ఆయన  ముందుకు వెళుతున్నాడు. ఈ ఏడాది ఆయన నుంచి 'చెక్' .. 'రంగ్ దే' సినిమాలు వచ్చాయి. ఈ రెండు సినిమాలు కూడా ఆశించిన స్థాయిలో ఆదరణ పొందలేకపోయాయి. అయినా తదుపరి సినిమాను త్వరలో ప్రేక్షకుల ముందుకు తీసుకురావాలనే దిశగా ఆయన చకచకా పనులు కానిచ్చేస్తున్నాడు. మేర్లపాక గాంధీ దర్శకత్వంలో ఆయన 'మాస్ట్రో' సినిమా చేస్తున్నాడు. ప్రస్తుతం ఈ సినిమా చివరి షెడ్యూల్ షూటింగు జరుపుకుంటోంది.

ఇక వచ్చే ఏడాదిలో కూడా ఆయన ఇదే జోరును కొనసాగించనున్నట్టు తెలుస్తోంది. వక్కంతం వంశీకి ఇప్పటికే గ్రీన్ సిగ్నల్ ఇచ్చిన నితిన్, త్వరలో ఆ సినిమాను పట్టాలెక్కించే ఆలోచనలో ఉన్నాడు. ఒక వైపున ఆ సినిమాకి సంబంధించిన సన్నాహాలు జరుగుతూ ఉండగానే, ఆయన ఓ కొత్తదర్శకుడికి ఛాన్స్ ఇచ్చినట్టుగా వార్తలు వస్తున్నాయి. ఇంతవరకూ ఎడిటింగ్ చేస్తూ వచ్చిన ఎస్.ఆర్.శేఖర్, మెగాఫోన్ పట్టాలనే ఆలోచనలో ఉన్నాడట.  ఆయన వినిపించిన కథకి నితిన్ ఓకే చెప్పాడని అంటున్నారు. త్వరలోనే ఈ విషయంపై క్లారిటీ రానుంది.