jathiratnalu: శ్రీ‌వారిని ద‌ర్శించుకున్న 'జాతిర‌త్నాలు' హీరో, హీరోయిన్లు!
- జాతిర‌త్నాలు సినిమాకు ప్రేక్ష‌కుల ఆదరణ
- హీరోగా నవీన్ పోలిశెట్టి, హీరోయిన్ గా ఫరియా అబ్దుల్లా
- ఫొటోల‌కు పోజులు ఇచ్చిన సినీ బృందం
ద‌ర్శ‌కుడు అనుదీప్ తెర‌కెక్కించిన 'జాతిర‌త్నాలు' సినిమాకు ప్రేక్ష‌కుల నుంచి మంచి స్పంద‌న వ‌స్తోంది. పూర్తి వినోదాత్మ‌కంగా రూపుదిద్దుకున్న ఈ సినిమా సూప‌ర్ హిట్ కావ‌డంతో ఈ సినీ బృందం ఈ రోజు తిరుమ‌ల శ్రీ‌వారిని ద‌ర్శించుకుంది.
ఈ నేప‌థ్యంలో హీరో నవీన్ పోలిశెట్టి, హీరోయిన్ ఫరియా అబ్దుల్లాకు సంబంధించిన ఫొటోలు సామాజిక మాధ్య‌మాల్లో ద‌ర్శ‌న‌మిస్తున్నాయి. శ్రీ‌వారి దర్శనం అనంతరం తీర్థ ప్రసాదాలు అందుకున్న ఈ సినిమా టీమ్ అనంతరం బ‌య‌ట ఫొటోల‌కు పోజులు ఇచ్చింది. ఈ సినిమాను స్వప్న సినిమాస్‌ పతాకంపై నాగ్‌ అశ్విన్ నిర్మించారు.
రాహుల్‌ రామకృష్ణ, ప్రియదర్శి ఈ సినిమాలో ఇతర కీల‌క పాత్ర‌ల్లో న‌టించి సినిమా స‌క్సెస్‌కు కార‌ణ‌మ‌య్యారు. సినిమా ప్రారంభం నుంచి క్లైమాక్స్ వ‌ర‌కు వారు న‌వ్విస్తూనే ఉన్నారు. రాధన్ ఈ సినిమాకు సంగీతం అందించారు. క‌రోనా కార‌ణంగా థియేట‌ర్ల‌కు దూర‌మైన ప్రేక్ష‌కుల‌ను ఈ సినిమా మ‌ళ్లీ సినిమా హాళ్ల‌కు ర‌ప్పిస్తోంది.
