Cine Producer: పార్కింగ్‌లోని కారు మాయం.. బంజారాహిల్స్ పోలీసులకు నిర్మాత ఫిర్యాదు

హోటల్ పార్కింగ్‌ స్థలంలో పార్క్ చేసిన తన కారు మాయమైందంటూ నిర్మాత ఒకరు బంజారాహిల్స్ పోలీస్ స్టేషన్‌లో ఫిర్యాదు చేశారు. పోలీసుల కథనం ప్రకారం.. బెంగళూరుకు చెందిన ఓ సినీ నిర్మాత, వ్యాపారి వి.మంజునాథ్ నగరానికి వచ్చి బంజారాహిల్స్‌లోని పార్క్ హయత్ హోటల్‌కు వెళ్లారు.  ఈ నెల 26న రాత్రి కారును డ్రైవర్ హోటల్ బేస్-2లో పార్క్ చేశాడు. ఆ తర్వాతి రోజు ఉదయం వచ్చి చూసేసరికి కనిపించలేదు. దీంతో మంజునాథ్ బంజారాహిల్స్ పోలీసులకు ఫిర్యాదు చేశారు. కేసు నమోదు చేసుకున్న పోలీసులు దర్యాప్తు చేపట్టారు. ఆ ప్రాంతంలోని సీసీటీవీ ఫుటేజీలను పరిశీలిస్తున్నారు.