Samanta: సినిమా కబుర్లు.. సంక్షిప్త సమాచారం

*  నయనతార, సమంత కలసి తమిళంలో ఓ చిత్రంలో నటిస్తున్నారు. విఘ్నేశ్ శివన్ దర్శకత్వం వహించే ఈ చిత్రంలో విజయ్ సేతుపతి హీరోగా నటిస్తున్నాడు. ఈ చిత్రం కోసం రామోజీ ఫిలిం సిటీలో ఓ ప్రత్యేకమైన సెట్ వేస్తున్నారు. సమంత ఈ చిత్రం షూటింగులో ఈ నెల 14 న జాయిన్ అవుతుంది.
*  కమలహాసన్ హీరోగా శంకర్ దర్శకత్వంలో 'ఇండియన్ 2' (భారతీయుడు సీక్వెల్) చిత్రం రూపొందుతున్న సంగతి తెలిసిందే. లాక్ డౌన్ కి ముందు కొంత షూటింగ్ జరిగింది. అయితే, దర్శక నిర్మాతల మధ్య అభిప్రాయ భేదాల కారణంగా ఈ చిత్రం షూటింగ్ ఇన్నాళ్లూ ఆగింది. ఇప్పుడు వివాదం సమసిపోయిందనీ, సంక్రాంతి తర్వాత నుంచి తదుపరి షెడ్యూలు షూటింగ్ మొదలవుతుందని తెలుస్తోంది.
*  హాస్యనటులు శ్రీనివాసరెడ్డి, సప్తగిరి కలసి 'హౌస్ అరెస్ట్' అనే కామెడీ సినిమాలో హీరోలుగా నటిస్తున్నారు. శేఖర్ రెడ్డి ఎర్రా దర్శకత్వం వహిస్తున్న ఈ చిత్రం షూటింగ్ నిన్న హైదరాబాదులోని రామానాయుడు స్టూడియోలో ప్రారంభమైంది.