Delhi Capitals: ఐపీఎల్ క్వాలిఫయర్-2: సన్ రైజర్స్ తో మ్యాచ్ లో టాస్ గెలిచిన ఢిల్లీ క్యాపిటల్స్

అబుదాబిలో ఇవాళ సన్ రైజర్స్ హైదరాబాద్, ఢిల్లీ క్యాపిటల్స్ జట్ల మధ్య ఐపీఎల్ క్వాలిఫయర్-2 మ్యాచ్ జరగనుంది. ఈ పోరులో ఢిల్లీ క్యాపిటల్స్ సారథి శ్రేయాస్ అయ్యర్ టాస్ గెలిచి బ్యాటింగ్ ఎంచుకున్నాడు. ఈ మ్యాచ్ లో గెలిచిన జట్టు ఫైనల్లో ముంబయి ఇండియన్స్ తో తలపడుతుంది.

ప్లేఆఫ్స్ దశలో తొలి క్వాలిఫయర్ లో ముంబయి ఇండియన్స్ చేతిలో ఢిల్లీ ఓటమిపాలవగా, ఎలిమినేటర్ మ్యాచ్ లో బెంగళూరును ఇంటికి పంపిన సన్ రైజర్స్ క్వాలిఫయర్-2కి అర్హత సాధించింది. ఇక, నేటి మ్యాచ్ విషయానికొస్తే... సాహా ఇంకా కోలుకోకపోవడంతో సన్ రైజర్స్ జట్టులో గోస్వామినే కొనసాగించనున్నారు. ఢిల్లీ జట్టులో ప్రవీణ్ దూబే, హెట్మెయర్ తుదిజట్టులోకి వచ్చారు.