Nagarjuna: పూరి జగన్నాథ్ తో మరోసారి నాగార్జున

మొదటి నుంచీ కొత్తదనానికి ప్రాధాన్యతనిస్తూ.. డిఫరెంట్ దర్శకులతో సినిమాలు చేస్తూ వస్తున్న అక్కినేని నాగార్జున.. నేటి తరం హీరోల దూకుడులో కూడా తన ప్రత్యేకతను నిలుపుకుంటున్నారు. ఈ క్రమంలో ఓపక్క యంగ్ డైరెక్టర్లతో సినిమాలు చేస్తూనే, మరోపక్క సీనియర్ దర్శకులతో కూడా తన చిత్రాలను ప్లాన్ చేసుకుంటున్నారు.

ఈ నేపథ్యంలో గతంలో తనతో 'శివమణి', 'సూపర్' చిత్రాలను రూపొందించిన పూరి జగన్నాథ్ దర్శకత్వంలో మరో చిత్రాన్ని చేయడానికి గ్రీన్ సిగ్నల్ ఇచ్చినట్టు తెలుస్తోంది. ఈ చిత్రానికి సంబంధించి ఇటీవల నాగార్జున, పూరి మధ్య చర్చలు జరిగాయట. పూరి ఇప్పటికే ఆయన కోసం ఓ కథను సిద్ధం చేశాడని, త్వరలోనే ఈ చిత్రం పట్టాలెక్కచ్చని అంటున్నారు. ఇదిలావుంచితే, ప్రస్తుతం సాల్మోన్ దర్శకత్వంలో 'వైల్డ్ డాగ్' చిత్రంలో నటిస్తున్న నాగార్జున మరోపక్క ప్రవీణ్ సత్తారు దర్శకత్వంలో ఓ యాక్షన్ ఎంటర్ టైనర్ చేయడానికి కూడా ఓకే చెప్పారు.