సినిమా కబుర్లు.. సంక్షిప్త సమాచారం

*  గోపీచంద్ హీరోగా ప్రముఖ దర్శకుడు తేజ 'అలిమేలు మంగ వేంకటరమణ' పేరిట ఓ చిత్రాన్ని రూపొందిస్తున్నారు. ఇందులో కథానాయికలుగా కాజల్, అనుష్కలను పరిశీలిస్తున్నట్టు సమాచారం. అయితే, అనుష్క ఎంపికయ్యే అవకాశాలు ఎక్కువగా వున్నాయని అంటున్నారు.
*  పవన్ కల్యాణ్ చాలా కాలం తర్వాత మళ్లీ నటిస్తున్న చిత్రం 'వకీల్ సాబ్'. శ్రీరాం వేణు దర్శకత్వంలో దిల్ రాజు నిర్మిస్తున్న ఈ చిత్రం షూటింగ్ లాక్ డౌన్ వల్ల ఆగిపోయిన సంగతి తెలిసిందే. ఇప్పుడు మళ్లీ షూటింగులకు అనుమతించడంతో తిరిగి ఈ నెలలో మొదలవుతుంది. పవన్ వచ్చే నెలలో ఈ చిత్రం షూటింగులో పాల్గొంటారు. ఆయన ఇరవై రోజుల షూటింగ్ చేయాల్సి వుంది.
*  బాలకృష్ణ, బోయపాటి శ్రీను కలయికలో రూపొందుతున్న తాజా చిత్రం టైటిల్ ఈ నెల 10న వెలువడుతుందని భావిస్తున్నారు. ఆ రోజున బాలకృష్ణ జన్మదినం కావడంతో టైటిల్ పోస్టర్ ని రిలీజ్ చేయడానికి దర్శక నిర్మాతలు నిర్ణయించారట.    
*  మంచు మనోజ్ నటిస్తున్న 'అహం బ్రహ్మాస్మి' చిత్రం షూటింగ్ వచ్చే నెల నుంచి రామోజీ ఫిలిం సిటీలో జరుగుతుంది. ముందుగా పీటర్ హెయిన్స్ నేతృత్వంలో యాక్షన్ ఎపిసోడ్ ను చిత్రీకరించడానికి ప్లాన్ చేస్తున్నారు. శ్రీకాంత్ రెడ్డి దీనికి దర్శకత్వం వహిస్తున్నాడు.