పారాసిటమాల్ ఎగుమతులపై నిషేధం ఎత్తివేత
- ‘కరోనా’ నేపథ్యంలో ఎగుమతులపై ఇటీవలే నిషేధం విధింపు
- ఆంక్షలు తొలగించిన వాణిజ్య, పరిశ్రమల శాఖ
- ఈ మేరకు డీజీఎఫ్ టీ ప్రకటన
దేశంలో ‘కరోనా’ మహమ్మారి నేపథ్యంలో పారాసిటమాల్ ఫార్ములేషన్స్ ఎగుమతులపై కేంద్ర ప్రభుత్వం నిషేధం విధించిన విషయం తెలిసిందే. తాజాగా, ఆ నిషేధాన్ని ఎత్తివేస్తున్నట్టు ప్రకటించింది. కేంద్ర వాణిజ్య, పరిశ్రమల మంత్రిత్వ శాఖ అనుబంధ శాఖ డైరెక్టరేట్ జనరల్ ఆఫ్ ఫారిన్ ట్రేడ్ (డీజీఎఫ్ టీ) ఈ మేరకు ఓ ప్రకటన చేసింది. పారాసిటమాల్ ఫార్ములేషన్స్ ఎగుమతులపై ఉన్న ఆంక్షలను ఎత్తివేసినట్టు పేర్కొంది. కాగా, ‘కరోనా’ నేపథ్యంలో దేశీయ అవసరాలకు సరిపడా నిల్వలు ఉండాలన్న ఉద్దేశంతో ఇటీవలే వాటి ఎగుమతులపై నిషేధం విధించింది.
