Janasena: స్థానిక ఎన్నికల్లో జనసేన-బీజేపీ అభ్యర్థులపై వైసీపీ దాడుల వివరాలను తెలియజేయండి: పార్టీ నేతలకు జనసేన విజ్ఞప్తి

ఏపీ స్థానిక సంస్థల ఎన్నికల ప్రక్రియలో భాగంగా నామినేషన్లు వేసేందుకు వెళ్లిన ప్రత్యర్థులపై జరిగిన దాడులపై జనసేన, బీజేపీలు మండిపడుతున్న విషయం తెలిసిందే. తమ అభ్యర్థులు, నాయకులపై వైసీపీ నాయకులు దౌర్జన్యాలకు పాల్పడుతున్నారని ఆరోపిస్తున్నారు. ఈ నేపథ్యంలో జనసేన పార్టీ ఓ ట్వీట్ చేసింది. ‘స్థానిక ఎన్నికల్లో బీజేపీ, జనసేన కూటమి అభ్యర్థులు, కార్యకర్తలపై వైసీపీ నాయకులు చేసిన దౌర్జన్యాలు, దాడుల వివరాలను ‘#ysrcppollviolence’ హ్యాష్ ట్యాగ్ తో తెలియజేయాలని కోరుతూ ఈ పోస్ట్ లో తమ పార్టీ నేతల్ని కోరారు.