Telangana: తెలంగాణలో మద్యం ధరల పెంపు వెనుక 'కేఎస్ టీ' మాఫియా ఉంది: రేవంత్ రెడ్డి
కాంగ్రెస్ నేత రేవంత్ రెడ్డి టీఆర్ఎస్ సర్కారుపై ధ్వజమెత్తారు. తెలంగాణలో మద్యం ధరలు పెంచడం వెనుక కేఎస్ టీ మాఫియా ఉందన్నారు. కేఎస్ టీ అంటే కల్వకుంట్ల సేల్స్ ట్యాక్స్ అని అభివర్ణించారు. తెలంగాణలో ఏం చేయాలన్నా 6 శాతం కమీషన్ చెల్లించాల్సిందేనని ఆరోపించారు. తాజాగా మద్యం ధరల పెంపు వ్యవహారం ఆషామాషీగా తీసుకున్నది కాదని, ఇదో పెద్ద కుంభకోణం అని తెలిపారు. ఓ ఎంపీ చెన్నై, ఢిల్లీల్లో బేరసారాలు జరిపి ఈ ఒప్పందం కుదిర్చారని రేవంత్ వివరించారు.
కమీషన్లు ఇచ్చే బ్రాండ్లనే విక్రయిస్తున్నారని, మద్యం అమ్మకాల్లో దోపిడీ కోసమే ప్రభుత్వం గుత్తాధిపత్య ధోరణితో వెళుతోందని పేర్కొన్నారు. ఉత్పత్తి వ్యయం కంటే 1000 శాతం అధికంగా ధరలు నిర్ణయిస్తున్నారని మండిపడ్డారు. ఈ కుంభకోణంలో కేంద్రం సీబీఐ విచారణకు ఆదేశించాలని డిమాండ్ చేశారు. లేకపోతే తామ కోర్టుకు వెళతామని స్పష్టం చేశారు. ఈ మేరకు ఆయన రాష్ట్ర ప్రజలకు బహిరంగ లేఖ రాశారు.
కమీషన్లు ఇచ్చే బ్రాండ్లనే విక్రయిస్తున్నారని, మద్యం అమ్మకాల్లో దోపిడీ కోసమే ప్రభుత్వం గుత్తాధిపత్య ధోరణితో వెళుతోందని పేర్కొన్నారు. ఉత్పత్తి వ్యయం కంటే 1000 శాతం అధికంగా ధరలు నిర్ణయిస్తున్నారని మండిపడ్డారు. ఈ కుంభకోణంలో కేంద్రం సీబీఐ విచారణకు ఆదేశించాలని డిమాండ్ చేశారు. లేకపోతే తామ కోర్టుకు వెళతామని స్పష్టం చేశారు. ఈ మేరకు ఆయన రాష్ట్ర ప్రజలకు బహిరంగ లేఖ రాశారు.
