chandrayan-2: ‘చంద్రయాన్-2’ అపురూప ఘట్టాన్ని వీక్షించనున్న ప్రధాని మోదీ!

‘చంద్రయాన్-2’కు చెందిన ల్యాండర్ మరికొన్ని గంటల్లో జాబిల్లిపై దిగనుంది. చంద్రుడిపై విక్రమ్ రోవర్ ల్యాండ్ అయ్యే దృశ్యాన్ని శాస్త్రవేత్తలతో కలిసి ప్రధాని మోదీ వీక్షించనున్నారు. ఈ నేపథ్యంలో బెంగళూరు ఇస్రో సెంటర్ లో మోదీ కోసం ప్రత్యేక ఏర్పాట్లు చేశారు. ఈ దృశ్యాన్ని మోదీతో పాటు డెబ్బై మంది స్కూల్ విద్యార్థులు వీక్షించనున్నారు. ఈ అపురూప ఘట్టాన్ని ప్రత్యక్ష ప్రసారం చేసేందుకు ఏర్పాట్లు చేస్తోంది. బెంగళూరులోని శాటిలైట్ కంట్రోల్ సెంటర్ (ఎస్ సీసీ) నుంచి సమాచారాన్ని ఎప్పటికప్పుడు ఇంటర్నెట్ ద్వారా పొందుపరచనుంది. యూట్యూబ్ లో ప్రెస్ ఇన్ఫర్మేషన్ బ్యూరో ఆఫ్ ఇండియా ఛానెల్ ద్వారా ఈ అపురూప ఘట్టాన్ని వీక్షించవచ్చు. చంద్రుడిని చూస్తూ ప్రజలు కూడా తమ అనుభూతిని తనతో పంచుకోవాలని, చంద్రయాన్ ఫొటోలతో తనకు ట్వీట్ చేయాలని, వాటిలో కొన్నింటికి తాను రీ ట్వీట్ చేస్తానని తన ట్విట్టర్ ఖాతా ద్వారా మోదీ తెలిపారు.