విశాఖకు రైల్వేజోన్ ప్రకటన నమ్మక ద్రోహం: చలసాని శ్రీనివాస్

విశాఖకు రైల్వేజోన్ ప్రకటించిన కేంద్ర ప్రభుత్వం నమ్మకద్రోహం చేసిందని ప్రత్యేక హోదా సాధన సమితి అధ్యక్షుడు చలసాని శ్రీనివాస్ విమర్శించారు. ‘రైల్వేజోన్’ కు పోరాడిన విశాఖకు అన్యాయం జరిగిందని ఆరోపించారు. 90 శాతం ఈ ప్రాంతాన్ని రాయగడ డివిజన్ లోనే ఉంచారని అన్నారు. ఈ విషయమై తొలుత హర్షం వ్యక్తం చేసినప్పటికీ, లోతుగా ఆలోచిస్తే విశాఖకు ఒరిగేదేమీ లేదని విమర్శించారు. కాగా, విశాఖలో రైల్వేజోన్ ఏర్పాటు ప్రకటన వెలువడ్డ అనంతరం హర్షం వ్యక్తం చేసిన చలసాని ఆ తర్వాత పై వ్యాఖ్యలు చేశారు.