సినిమా కబుర్లు.. సంక్షిప్త సమాచారం

*  టాలీవుడ్ కి, బాలీవుడ్ కి పెద్ద తేడా ఏమీ లేదు.. అంటోంది కథానాయిక రకుల్ ప్రీత్ సింగ్. 'హీరోయిన్లను ట్రీట్ చేసే పద్ధతిలో మొదట్లో తేడా ఉంటుందని అనుకునే దానిని. అయితే, ప్రత్యక్షంగా చూశాక ఏ విషయంలోనూ తేడా కనిపించలేదు. కథానాయికకు అన్ని చోట్లా ఒకే గౌరవం లభిస్తోంది' అని చెప్పింది రకుల్.
*  రజనీకాంత్ హీరోగా శంకర్ దర్శకత్వంలో ఇటీవల వచ్చిన రోబో సీక్వెల్ '2.O' మంచి విజయాన్ని సాధించింది. ఈ క్రమంలో ఈ చిత్రాన్ని అమెరికాలో జరిగే 66వ ఎంపీఎస్ఈ గోల్డెన్ రీల్ అవార్డ్స్ కి నామినేట్ చేశారు. పలు విభాగాల్లో ఈ చిత్రం నామినేషన్లు పొందింది.
*  యంగ్ హీరో నితిన్ ఒకేసారి రెండు సినిమాలు చేయనున్నాడు. వెంకీ కుడుముల దర్శకత్వంలో తను నటించే 'భీష్మ' చిత్రం షూటింగ్ వచ్చే నెలలో ప్రారంభం కానుండగా, సూర్య ప్రతాప్ దర్శకత్వంలో మరో చిత్రం మార్చి నెలలో మొదలవుతుంది.