Vijayawada: రేపటి నుంచి విజయవాడ కనకదుర్గమ్మ దర్శనానికి డ్రెస్ కోడ్

విజయవాడలోని ఇంద్రకీలాద్రిపై కొలువుదీరిన కనకదుర్గమ్మను దర్శించుకోవాలంటే ఇకపై డ్రెస్ కోడ్ లో వెళ్లాల్సిందే. రేపటి నుంచి డ్రెస్ కోడ్ అమల్లోకి రానుంది. కేవలం సంప్రదాయ దుస్తుల్లో మాత్రమే మహిళలు, పురుషులు కొండపైకి వెళ్లాల్సి ఉంటుంది. ఈ సందర్భంగా ఆలయ ఈవో కోటేశ్వరమ్మ మాట్లాడుతూ, మహిళలు చీరలు, లంగావోణీలు, పంజాబీ డ్రెస్సులు ఇతర సంప్రదాయ దుస్తులలోను; పురుషులైతే పంచె, లాల్చీ, ప్యాంటూ చొక్కా ధరించి రావాలని పేర్కొన్నారు. డ్రెస్ కోడ్ విషయంలో నిబంధనలు తప్పకుండా పాటించాలని భక్తులను కోరారు.