షటిల్ ఆడుతూ కాలుజారి బోర్లా పడ్డ ఏపీ డిప్యూటీ సీఎం చినరాజప్ప... వీడియో చూడండి!

ఆంధ్రప్రదేశ్ రాష్ట్ర ఉప ముఖ్యమంత్రి షటిల్ ఆడుతూ ఓ షాట్ కొట్టబోయి, కాలుజారి బోర్లా పడిన ఘటనకు సంబంధించిన వీడియో ఇప్పుడు వైరల్ అవుతోంది. తూర్పు గోదావరి జిల్లా కాకినాడలో రాజా ట్యాంక్ ఆవరణలో షటిల్‌ కోర్టును ప్రారంభించిన ఆయన, ఆపై కాసేపు షటిల్ ఆడుదామని ప్రయత్నించిన వేళ ఈ ఘటన జరిగింది.

చినరాజప్ప, కాలు జారి పడిపోయిన వెంటనే అప్రమత్తమైన సెక్యూరిటీ సిబ్బంది, పక్కనే ఉన్న తెలుగుదేశం నేతలు ఆయనను పైకి లేవదీశారు. ఈ ఘటనలో ఆయనకు స్వల్ప గాయాలు అయ్యాయి. తనకేమీ కాలేదని, ఆసుపత్రికి వెళ్లాల్సిన అవసరం లేదని చెప్పిన చినరాజప్ప, ఆపై తన మిగతా కార్యక్రమాల్లో పాల్గొనేందుకు వెళ్లిపోయారు. సోషల్ మీడియాలో వైరల్ అవుతున్న వీడియోను మీరూ చూడవచ్చు.