అండర్ వాటర్లో కల్యాణ్ రామ్ భారీ ఫైట్

కల్యాణ్ రామ్ కథానాయకుడిగా ఈ మధ్య వరుస సినిమాలు ప్రేక్షకుల ముందుకు వచ్చాయి. అయితే అవేవీ ఆశించిన స్థాయిలో ప్రేక్షకుల ఆదరణను నోచుకోలేకపోయాయి. దాంతో ఈ సారి తప్పకుండా హిట్ కొట్టాలనే పట్టుదలతో ఆయన గుహన్ దర్శకత్వంలో ఒక సినిమా చేస్తున్నాడు. యాక్షన్ ఎంటర్టైనర్ గా రూపొందుతోన్న ఈ సినిమా ఇప్పటికే 90 శాతం చిత్రీకరణను జరుపుకుంది.

ఇక ఒక భారీ ఫైట్ .. ఒక పాటను చిత్రీకరించవలసి వుంది. కథ ప్రకారం అండర్ వాటర్లో ఫైట్ సీన్ ను చిత్రీకరించనున్నారు. ఈ సీన్ ను విశాఖ తీరంలోని సముద్రంలో చిత్రీకరించాలని ప్లాన్ చేశారు. విదేశాల నుంచి డైవింగ్ ఎక్స్ పర్ట్స్ ను రప్పిస్తున్నారు. ఈ సినిమా హైలైట్స్ లో ఒకటిగా ఈ యాక్షన్ సీన్ నిలిచిపోతుందని అంటున్నారు. మహేశ్ కోనేరు నిర్మిస్తోన్న ఈ సినిమాకి ఇంతవరకూ టైటిల్ ను ఖరారు చేయలేదు. టైటిల్ తో కూడిన ఫస్టులుక్ ను 'వినాయకచవితి' రోజున విడుదల చేయాలనే ఆలోచనలో వున్నారు.