నానో ఉపగ్రహాలపై మూడేళ్ల శిక్షణ ఇవ్వనున్న ఇస్రో
- అతి చిన్న ఉపగ్రహాలపై శిక్షణ ఇవ్వనున్న ఇస్రో
- అంతరిక్ష విజ్ఞానం అందించేందుకు ఉన్నతి పేరుతో శిక్షణా కార్యక్రమం
- జనవరి నుండి మూడేళ్ళ పాటు శిక్షణా తరగతులు
అంతరిక్షంలోకి చిన్న ఉపగ్రహాలను ప్రయోగించేందుకు వీలుగా, అతి చిన్న నానో ఉపగ్రహాల జోడింపు తదితర అంశాలపై మూడేళ్ల శిక్షణ కార్యక్రమాన్ని నిర్వహించనున్నట్లు ఇస్రో ప్రకటించింది. వచ్చే ఏడాది జనవరి నుంచి ప్రారంభమయ్యే ఈ కార్యక్రమంలో విదేశీ అభ్యర్థులకూ అవకాశం కల్పిస్తామని ఇస్రో ఛైర్మన్ డాక్టర్ కె.శివన్ తెలిపారు.
