చిన్నారి అక్షరను నీటిగుంటలో పడేసింది ఓ బాలిక!

నిన్న చిన్నారి అక్షరను అపహరించి హతమార్చిన విషాద సంఘటన కేసులో పురోగతి లభించింది. నెక్లెస్ రోడ్డులోని జలవిహార్ వద్ద నీటికుంటలోకి అక్షరను పడేసింది ఓ బాలిక అని పోలీసుల దర్యాప్తులో తేలింది. చిన్నారితో కలిసి పుష్ప (11) ఆడుకుంటున్న సమయంలో బాలిక చేతిని ఆ చిన్నారి కొరికింది. 

తన చేయి కొరికిందనే కోపంతో చిన్నారిని నీటికుంటలో పుష్ప పడేసినట్టు పోలీసులు చెప్పారు. పదహారు నెలల పసిపాప అక్షర మురుగు నీటిని మింగి మృతి చెందినట్టు పోస్టుమార్టంలో తేలినట్టు చెప్పారు. పుష్పను అదుపులోకి తీసుకున్న పోలీసులు జువైనల్ హోమ్ కు తరలించారు. కాగా, నిన్న మధ్యాహ్నం తమ కూతురు అక్షర అపహరణకు గురైందంటూ ఆమె తల్లిదండ్రులు రాంగోపాల్ పేట పోలీస్ స్టేషన్ లో ఫిర్యాదు చేశారు.