hafeez sayeed: హఫీజ్ సయీద్ ను వేరే దేశానికి తరలించండి: పాకిస్తాన్ కు చైనా సూచన
ముంబై మారణ హోమం సూత్ర ధారి, 2008 నవంబర్ దాడి కుట్ర నిందితుడు, జమాత్ ఉద్ దవా చీఫ్ హఫీజ్ సయీద్ పై చర్యలు తీసుకోవాలంటూ పాకిస్తాన్ పై అంతర్జాతీయ సమాజం నుంచి ఒత్తిళ్లు పెరిగిపోయాయి. ఈ నేపథ్యంలో అతడ్ని పశ్చిమాసియాలోని ఓ దేశానికి తరలించడం మంచిదని పాకిస్తాన్ కు మిత్ర దేశమైన చైనా సూచించింది. ఏప్రిల్ లో చైనాలో బోవా ఫోరం సదస్సు జరిగింది. ఈ సందర్భంగా పాకిస్తాన్ ప్రధాని షహీద్ ఖాన్ అబ్బాసీతో చైనా అధ్యక్షుడు జిన్ పింగ్ సమావేశమయ్యారు. ఈ సందర్భంగానే హఫీజ్ సయీద్ ను వేరే దేశానికి తరలించాలన్న సూచన జిన్ పింగ్ నుంచి వచ్చింది.
పశ్చిమాసియాలో ఓ దేశానికి తరలిస్తే, మిగిలిన శేష జీవితమంతా అతడు అక్కడ ప్రశాంతంగా జీవిస్తాడని చైనా హితవు పలికింది. ఈ సమావేశం 35 నిమిషాలు జరగ్గా, 10 నిమిషాలు హఫీజ్ సయీద్ గురించే మాట్లాడుకున్నట్టు విశ్వసనీయ వర్గాల సమాచారం. అనంతరం పాకిస్తాన్ కు వెళ్లిన తర్వాత ప్రధాని అబ్బాసీ న్యాయ నిపుణులతో సంప్రదింపులు జరిపారు. అబ్బాసీ పదవీకాలం ఈ నెలతో ముగిసిపోతోంది. జూలైలో సాధారణ ఎన్నికల తర్వాత ఏర్పడే కొత్త ప్రభుత్వం అతడిపై ఓ నిర్ణయం తీసుకుంటుందని భావిస్తున్నారు.
పశ్చిమాసియాలో ఓ దేశానికి తరలిస్తే, మిగిలిన శేష జీవితమంతా అతడు అక్కడ ప్రశాంతంగా జీవిస్తాడని చైనా హితవు పలికింది. ఈ సమావేశం 35 నిమిషాలు జరగ్గా, 10 నిమిషాలు హఫీజ్ సయీద్ గురించే మాట్లాడుకున్నట్టు విశ్వసనీయ వర్గాల సమాచారం. అనంతరం పాకిస్తాన్ కు వెళ్లిన తర్వాత ప్రధాని అబ్బాసీ న్యాయ నిపుణులతో సంప్రదింపులు జరిపారు. అబ్బాసీ పదవీకాలం ఈ నెలతో ముగిసిపోతోంది. జూలైలో సాధారణ ఎన్నికల తర్వాత ఏర్పడే కొత్త ప్రభుత్వం అతడిపై ఓ నిర్ణయం తీసుకుంటుందని భావిస్తున్నారు.
