వచ్చే నెలలో ఫ్లిప్ కార్ట్, అమేజాన్ మెగా సమ్మర్ సేల్

ఫ్లిప్ కార్ట్, అమేజాన్ ఈ వేసవిలో భారీ సేల్ కు సిద్ధమవుతున్నాయి. వచ్చే నెలలోనే ఈ విక్రయాల పండగ నిర్వహించనున్నాయి. డిమాండ్ ఉండి, ఎక్కువగా విక్రయమయ్యే ఉత్పత్తులను కొనుగోలు చేసి విక్రయానికి స్టాక్ ను రెడీ చేస్తున్నాయి. ఇప్పటికే 70-80 శాతం స్టాక్ ను కొనేశాయి. భారీ సేల్ కు ఇది నిదర్శనంగా కంపెనీ వర్గాలు పేర్కొన్నాయి.

స్మార్ట్ ఫోన్లు, టెలివిజన్లు, వస్త్రాలు, హోమ్ డెకరేషన్, రోజువారీ వినియోగ వస్తువులపై భారీ డిస్కౌంట్లను ఆఫర్ చేయనున్నట్టు సమాాచారం. డిస్కౌంట్లు, క్యాష్ బ్యాక్ ఆఫర్లతో పాటు నోకాస్ట్ ఈఎంఐను ఆఫర్ చేయనున్నట్టు ఓ ఉద్యోగి తెలిపారు. వచ్చే నెల సేల్ ఉంటుందని ఫ్లిప్ కార్ట్ అధికార ప్రతినిధి సైతం ధ్రువీకరించారు. అయితే, వివరాలను మాత్రం వెల్లడించలేదు. ఫ్లిప్ కార్ట్ బిగ్ బిలియన్ డేస్ పేరుతో, అమేజాన్ ఇండియా గ్రేట్ ఇండియా సేల్ పేరుతో ఏటా మే నెలలో భారీ విక్రయ కార్యక్రమాలను నిర్వహిస్తూ వస్తున్నాయి.