మై డియర్ ప్రియా.. రానున్న రోజుల్లో నీ కోసం జనాలు తహతహలాడిపోతారు: రిషి కపూర్

ప్రియా వారియర్... ఇప్పుడు ఎవరి నోట విన్నా ఈ ముద్దుగుమ్మ పేరే వినిపిస్తోంది. మీడియా, సోషల్ మీడియాలో ఆమె గురించే చర్చ జరుగుతోంది. దక్షిణాది సినీ పరిశ్రమ నుంచి బాలీవుడ్ వరకు ఆమె గురించే మాట్లాడుకుంటున్నారు. కనుసైగలు, ముఖంలో పలికించిన హావభావాలతో కూడిన ఆమె ట్రైలర్ ఆమెకు పెద్ద స్టార్ డమ్ ను తీసుకొచ్చింది.

తాజాగా బాలీవుడ్ లెజెండరీ యాక్టర్ రిషి కపూర్ కూడా ప్రియా వారియర్ పై ప్రశంసలు కురిపించారు. ఈ అమ్మాయి అంతులేని స్టార్ డమ్ ను సొంతం చేసుకుంటుందని తనకు అనిపిస్తోందని ఆయన ట్వీట్ చేశారు. ఎంతో అమాయకంగా కనిపించే ప్రియా... తన ముఖంలో పలికించిన హావభావాలు అమోఘం అని తెలిపారు. 'మై డియర్ ప్రియా, రానున్న రోజుల్లో నీ ఏజ్ గ్రూప్ వారు నీ కోసం తహతహలాడుతారు. ఆల్ ది బెస్ట్. గాడ్ బ్లెస్ యూ. నేనున్న సమయంలో నీవు ఎందుకు రాలేదు?' అంటూ సరదాగా కామెంట్ చేశారు.