త్వరలో నయనతార పెళ్లి.. కొత్త ఇంట్లో కాపురం?
- ప్రభుదేవాతో ప్రేమలో విఫలమైన తరువాత విఘ్నేశ్ శివన్ తో ప్రేమలో నయనతార
- గతేడాది కొచ్చిలోని చర్చిలో వివాహం చేసుకున్నారంటూ కథనాలు
- త్వరలో వివాహ ప్రకటన చేయనున్న విఘ్నేశ్ శివన్, నయనతార
దక్షిణాది సినీ పరిశ్రమలో సుదీర్ఘ కాలంగా స్టార్ కథానాయికగా రాణిస్తున్న నయనతార త్వరలో పెళ్లి పీటలు ఎక్కనున్నట్టు కోలీవుడ్ గుసగులాడుకుంటోంది. గతంలో శింబు, ఆ తర్వాత ప్రభుదేవాతో ప్రేమలో కొనసాగిన సమయంలో కూడా నయనతార పెళ్లి పీటలెక్కుతుందని కథనాలు వెలువడ్డప్పటికీ అలా జరగలేదు. ప్రభుదేవాతో బ్రేకప్ తరువాత తమిళ దర్శకుడు విఘ్నేశ్ శివన్ తో ఆమె ప్రేమలో పడిందని చాలాకాలంగా ప్రచారం జరుగుతోంది. దీనిని వారిద్దరూ ఖండించలేదు.
ఆ మధ్య జరిగిన విఘ్నేశ్ పుట్టిన రోజుకు నయనతార ఖరీదైన కారు కొనిచ్చిందని వార్తలొచ్చాయి. అలాగే, ఆ మధ్య వారిద్దరికీ కొచ్చిలోని ఒక చర్చిలో రహస్యంగా వివాహం జరిగిందని ప్రచారం జరిగింది. అయితే తాజాగా వారింకా పెళ్లి చేసుకోలేదని, త్వరలోనే వారిద్దరూ వివాహం చేసుకోనున్నారని తెలుస్తోంది. వివాహానంతరం వారిద్దరూ కలిసి చెన్నైలో కొత్తగా కొన్న ఇంట్లో కాపురం పెట్టనున్నట్టు తెలుస్తోంది.
ఆ మధ్య జరిగిన విఘ్నేశ్ పుట్టిన రోజుకు నయనతార ఖరీదైన కారు కొనిచ్చిందని వార్తలొచ్చాయి. అలాగే, ఆ మధ్య వారిద్దరికీ కొచ్చిలోని ఒక చర్చిలో రహస్యంగా వివాహం జరిగిందని ప్రచారం జరిగింది. అయితే తాజాగా వారింకా పెళ్లి చేసుకోలేదని, త్వరలోనే వారిద్దరూ వివాహం చేసుకోనున్నారని తెలుస్తోంది. వివాహానంతరం వారిద్దరూ కలిసి చెన్నైలో కొత్తగా కొన్న ఇంట్లో కాపురం పెట్టనున్నట్టు తెలుస్తోంది.
