క‌ర‌ణ్ జొహార్ టీవీ షోలో కంగ‌నా ర‌నౌత్‌?

కంగ‌నా ర‌నౌత్‌, క‌ర‌ణ్ జొహార్... వీరి మధ్య ప‌చ్చిగ‌డ్డి వేసినా భ‌గ్గుమంటుంద‌ని బాలీవుడ్‌లో అంద‌రి అభిప్రాయం. కానీ అందుకు భిన్నంగా ఇటీవ‌ల విరుష్క ముంబై రిసెప్ష‌న్ లో వారిద్ద‌రూ క‌లిసిన‌పుడు ఒక‌రినొక‌రు చూసి చిరున‌వ్వులు చిందించుకున్నారు. ఈ విష‌యాన్ని గ‌మ‌నించిన మీడియా ప్ర‌స్తుతం క‌ర‌ణ్ జొహార్ స‌హ‌జ‌డ్జిగా వ్య‌వ‌హ‌రిస్తున్న 'ఇండియాస్ నెక్స్ట్ సూప‌ర్‌స్టార్స్' కార్య‌క్ర‌మానికి కంగనాను పిలుస్తారా? అని క‌ర‌ణ్‌ని అడిగింది.

దీనికి క‌ర‌ణ్ సానుకూలంగా స్పందించ‌డం విశేషం. 'స్టార్ ప్ల‌స్ వారు కంగ‌నాను ఆహ్వానించాల‌నుకుంటే... వారి నిర్ణ‌యానికి క‌ట్టుబ‌డి తాను కంగ‌నాను సాద‌రంగా ఆహ్వానిస్తాను' అని క‌ర‌ణ్ అన్నాడు. రోహిత్ శెట్టితో క‌లిసి క‌ర‌ణ్ నిర్వ‌హిస్తున్న ఈ కార్య‌క్ర‌మంలో ఇప్ప‌టికే ప్రియాంక చోప్రా అతిథిగా హాజ‌రైన సంగ‌తి తెలిసిందే. గ‌తంలో 'కాఫీ విత్ క‌ర‌ణ్‌' కార్య‌క్ర‌మంలో బాలీవుడ్‌లో స్వాభిమానాన్ని పెంచిపోషించే వ్య‌క్తిగా క‌ర‌ణ్‌ని అభివ‌ర్ణిస్తూ కంగనా సంచ‌ల‌న వ్యాఖ్య‌లు చేసింది. ఆ త‌ర్వాత నుంచి వీలు చిక్కినప్పుడ‌ల్లా వివిధ కార్య‌క్ర‌మాల్లో కంగ‌నాను క‌ర‌ణ్ త‌న‌దైన రీతిలో కామెంట్లు చేసేవాడు. ఇలా వారిద్ద‌రి మ‌ధ్య వివాదం న‌డిచింది.