రజనీకాంత్ పార్టీలోకి నటుడు లారెన్స్?

తమిళ సూపర్ స్టార్ రజనీకాంత్ కు ప్రముఖ కొరియోగ్రాఫర్, నటుడు లారెన్స్ రాఘవేంద్ర వీరాభిమాని అనే విషయం తెలిసిందే. రజనీకాంత్ త్వరలో స్థాపించనున్న రాజకీయపార్టీలో లారెన్స్ చేరనున్నట్టు తెలుస్తోంది. ఈ విషయమై లారెన్స్ రేపు విలేకరుల సమావేశం నిర్వహించి అధికారికంగా ప్రకటిస్తారని సమాచారం. ఆ తర్వాత రజనీకాంత్ ను కలిసి ఆయా విషయాలపై లారెన్స్ చర్చించే అవకాశముందట. కాగా, రజనీ వెంట నడుస్తానని లైకా ప్రొడక్షన్స్ క్రియేటివ్ హెడ్ రాజ్ మహాలింగం తాజాగా ప్రకటించారు. తన క్రియేటివ్ హెడ్ ఉద్యోగానికి కూడా ఆయన రాజీనామా చేశారు.