ఈ దుస్తులు అస్స‌లు బాగోలేవు... దీపికా ప‌దుకునే వ‌స్త్ర‌ధార‌ణ‌పై నెటిజ‌న్ల కామెంట్‌

ముంబైలో జ‌రిగిన‌ జియో మామి ఫిల్మ్ ఫెస్టివ‌ల్ ముగింపు వేడుక‌ల‌కు అందాల తార దీపికా ప‌దుకునే హాజ‌రైంది. ఆ వేడుక‌కు ఆమె వేసుకువ‌చ్చిన దుస్తుల మీద ట్విట్ట‌ర్ లోకం విరుచుకుప‌డుతోంది. వ‌దులుగా ఉండే ఆకుప‌చ్చ రంగు ప్యాంటు, చొక్కాను ఆమె ధ‌రించింది. ఆ దుస్తులు ఆమెకు ఏ మాత్రం బాగోలేక‌పోవ‌డంతో నెటిజ‌న్లు నానా ర‌కాలుగా కామెంట్లు చేశారు.

ఆ దుస్తులు డిజైన్ చేసిన డిజైన‌ర్ ష‌లీనా నాథానీ మీద కూడా కామెంట్లు చేశారు. సాధార‌ణంగా వ‌స్త్ర‌ధార‌ణ‌కు ప్ర‌ముఖ ప్రాధాన్య‌మిచ్చే దీపికా ఇలాంటి దుస్తులు ధ‌రించ‌డంపై అభిమానులు కూడా అస‌హ‌నం వ్య‌క్తం చేశారు. `నువ్వంటే మాకు చాలా ఇష్టం దీపికా... కానీ నువ్వు వేసుకున్న దుస్తులు అస్స‌లు బాగోలేవు` అంటూ వారు కామెంట్ చేశారు.