పెళ్లి చేసుకోకున్నా పర్లేదు.. పిల్లల్ని మాత్రం కనండి: నరేశ్
- పెళ్లి వ్యవస్థపై నటుడు నరేశ్ సంచలన వ్యాఖ్యలు
- ఈ కాలంలో పెళ్లి, సహజీవనం రెండూ కరెక్టేనని వ్యాఖ్య
- కోట్లు పెట్టి పెళ్లిళ్లు, ఆ తర్వాత విడాకులు తీసుకోవడంపై ఆవేదన
సీనియర్ నటుడు నరేశ్ పెళ్లి వ్యవస్థపై చేసిన కొన్ని ఆసక్తికర వ్యాఖ్యలు ప్రస్తుతం సోషల్ మీడియాలో హాట్ టాపిక్‌గా మారాయి. అనుపమ పరమేశ్వరన్, తరుణ్ భాస్కర్ ప్రధాన పాత్రల్లో నటించిన 'క్రేజీ కళ్యాణం' సినిమా ట్రైలర్ లాంచ్ ఈవెంట్‌లో ఆయన ఈ వ్యాఖ్యలు చేశారు. పెళ్లి చేసుకోవడంపై అడిగిన ప్రశ్నకు ఆయన తనదైన శైలిలో సమాధానమిచ్చారు.
"ఈ కాలంలో పెళ్లి చేసుకున్నా, చేసుకోకపోయినా రెండూ సరైనవే. అలాగే లివింగ్ టుగెదర్ (సహజీవనం) కూడా కరెక్టే" అని నరేశ్ అభిప్రాయపడ్డారు. నేటి సమాజంలో వివాహాలు భారీ ఈవెంట్లుగా మారిపోయాయని, కోట్లు ఖర్చు చేసి పెళ్లి చేసుకుని, ఆ తర్వాత విడాకులకు కూడా అంతే ఖర్చు చేస్తున్నారని ఆయన ఆవేదన వ్యక్తం చేశారు. గ్రామీణ ప్రాంతాల్లో చాలామంది యువకులకు పెళ్లి సంబంధాలు దొరకడం లేదని, అక్కడి పరిస్థితి దారుణంగా ఉందని ఆందోళన వెలిబుచ్చారు.
అయితే, ఈ తరం వారు పెళ్లి చేసుకోవడం ఇష్టం లేకపోతే మానేయవచ్చని, కానీ పిల్లల్ని కనడం మాత్రం చాలా ముఖ్యమని నరేశ్ కుండబద్దలు కొట్టారు. బద్రప్ప గాజుల దర్శకత్వంలో తెరకెక్కిన 'క్రేజీ కళ్యాణం' చిత్రం పూర్తిగా పెళ్లి నేపథ్యంలో సాగే వినోదాత్మక చిత్రమని, ఇది అక్టోబర్ 16న థియేటర్లలోకి రానుందని చిత్రబృందం తెలిపింది. ఈ కార్యక్రమం వేదికగా నరేశ్ చేసిన వ్యాఖ్యలు ప్రస్తుతం నెట్టింట వైరల్ అవుతున్నాయి.
"ఈ కాలంలో పెళ్లి చేసుకున్నా, చేసుకోకపోయినా రెండూ సరైనవే. అలాగే లివింగ్ టుగెదర్ (సహజీవనం) కూడా కరెక్టే" అని నరేశ్ అభిప్రాయపడ్డారు. నేటి సమాజంలో వివాహాలు భారీ ఈవెంట్లుగా మారిపోయాయని, కోట్లు ఖర్చు చేసి పెళ్లి చేసుకుని, ఆ తర్వాత విడాకులకు కూడా అంతే ఖర్చు చేస్తున్నారని ఆయన ఆవేదన వ్యక్తం చేశారు. గ్రామీణ ప్రాంతాల్లో చాలామంది యువకులకు పెళ్లి సంబంధాలు దొరకడం లేదని, అక్కడి పరిస్థితి దారుణంగా ఉందని ఆందోళన వెలిబుచ్చారు.
అయితే, ఈ తరం వారు పెళ్లి చేసుకోవడం ఇష్టం లేకపోతే మానేయవచ్చని, కానీ పిల్లల్ని కనడం మాత్రం చాలా ముఖ్యమని నరేశ్ కుండబద్దలు కొట్టారు. బద్రప్ప గాజుల దర్శకత్వంలో తెరకెక్కిన 'క్రేజీ కళ్యాణం' చిత్రం పూర్తిగా పెళ్లి నేపథ్యంలో సాగే వినోదాత్మక చిత్రమని, ఇది అక్టోబర్ 16న థియేటర్లలోకి రానుందని చిత్రబృందం తెలిపింది. ఈ కార్యక్రమం వేదికగా నరేశ్ చేసిన వ్యాఖ్యలు ప్రస్తుతం నెట్టింట వైరల్ అవుతున్నాయి.
