సినిమాల్లో రామాయణాన్ని సరిగా చూపించలేదు.. ఆ వైభవం వెండితెరపై కనిపించలేదు: రాజమౌళి
- సినిమాల్లో రామాయణాన్ని చూపించిన తీరుపై తనకు సంతృప్తి లేదన్న జ‌క్క‌న్న
- ఇతిహాసాలలోని వైభవం, భారీతనం వెండితెరపై కనిపించలేదని వ్యాఖ్య
- మహేశ్ బాబుతో తీస్తున్న 'వారణాసి' ద్వారా ఆ లోటు తీరుస్తానని సంకేతం
- ఈ చిత్రంలో ప్రియాంక చోప్రా, పృథ్వీరాజ్ కూడా
- వ‌చ్చే ఏడాది ఏప్రిల్ 7న సినిమా విడుదల
ప్రముఖ దర్శకుడు ఎస్.ఎస్. రాజమౌళి, 'రామాయణం' వంటి భారతీయ ఇతిహాసాలను ఇప్పటివరకు సినిమాల్లో చూపించిన విధానంపై కీలక వ్యాఖ్యలు చేశారు. వెండితెరపై వాటిని ప్రదర్శించిన తీరు తనకు ఎప్పుడూ పూర్తి సంతృప్తినివ్వలేదని ఆయన స్పష్టం చేశారు.
ఇటీవల ఓ పాడ్‌కాస్ట్ ఇంటర్వ్యూలో ఆయన మాట్లాడుతూ.. పాత పౌరాణిక చిత్రాల్లో కొన్ని సన్నివేశాలు నచ్చినప్పటికీ, మూల గ్రంథాల్లోని వైభవాన్ని, కథలోని భారీతనాన్ని పూర్తిస్థాయిలో తెరపైకి తీసుకురాలేకపోయారని అభిప్రాయపడ్డారు. ఇతిహాసాలను రాసిన విధానానికి, వాటిని సినిమాలుగా మలిచిన తీరుకు మధ్య పెద్ద అంతరం ఉందని తాను గమనించినట్లు వివరించారు.
ఈ అసంతృప్తే తనను ఓ సవాల్‌గా ముందుకు నడిపిస్తోందని, మహేశ్ బాబుతో తీస్తున్న 'వారణాసి' చిత్రానికి ఇదే మూలమని రాజమౌళి పేర్కొన్నారు. తన కెరీర్‌లోనే ఇది అత్యంత ప్రతిష్ఠాత్మక ప్రాజెక్ట్ అని, ఇతిహాసాలకు ఉండాల్సిన స్థాయి, వైభవం, ఉన్నతమైన భావోద్వేగాలను తెరపైకి తీసుకురావడమే తన బాధ్యత అని భావిస్తున్నట్లు చెప్పారు.
'వారణాసి' చిత్రంలో రామాయణం స్ఫూర్తితో కీలకమైన సన్నివేశాలు ఉంటాయని భావిస్తున్నారు. మహేశ్ బాబు సరసన ప్రియాంక చోప్రా జోనస్ నటిస్తుండగా, పృథ్వీరాజ్ సుకుమారన్ ఓ ముఖ్య పాత్ర పోషిస్తున్నారు. ఈ సినిమాను 2027, ఏప్రిల్ 7న ప్రపంచవ్యాప్తంగా విడుదల చేసేందుకు సన్నాహాలు చేస్తున్నారు.
ఇటీవల ఓ పాడ్‌కాస్ట్ ఇంటర్వ్యూలో ఆయన మాట్లాడుతూ.. పాత పౌరాణిక చిత్రాల్లో కొన్ని సన్నివేశాలు నచ్చినప్పటికీ, మూల గ్రంథాల్లోని వైభవాన్ని, కథలోని భారీతనాన్ని పూర్తిస్థాయిలో తెరపైకి తీసుకురాలేకపోయారని అభిప్రాయపడ్డారు. ఇతిహాసాలను రాసిన విధానానికి, వాటిని సినిమాలుగా మలిచిన తీరుకు మధ్య పెద్ద అంతరం ఉందని తాను గమనించినట్లు వివరించారు.
ఈ అసంతృప్తే తనను ఓ సవాల్‌గా ముందుకు నడిపిస్తోందని, మహేశ్ బాబుతో తీస్తున్న 'వారణాసి' చిత్రానికి ఇదే మూలమని రాజమౌళి పేర్కొన్నారు. తన కెరీర్‌లోనే ఇది అత్యంత ప్రతిష్ఠాత్మక ప్రాజెక్ట్ అని, ఇతిహాసాలకు ఉండాల్సిన స్థాయి, వైభవం, ఉన్నతమైన భావోద్వేగాలను తెరపైకి తీసుకురావడమే తన బాధ్యత అని భావిస్తున్నట్లు చెప్పారు.
'వారణాసి' చిత్రంలో రామాయణం స్ఫూర్తితో కీలకమైన సన్నివేశాలు ఉంటాయని భావిస్తున్నారు. మహేశ్ బాబు సరసన ప్రియాంక చోప్రా జోనస్ నటిస్తుండగా, పృథ్వీరాజ్ సుకుమారన్ ఓ ముఖ్య పాత్ర పోషిస్తున్నారు. ఈ సినిమాను 2027, ఏప్రిల్ 7న ప్రపంచవ్యాప్తంగా విడుదల చేసేందుకు సన్నాహాలు చేస్తున్నారు.
