ఏకంగా 15 నిమిషాలు ఊపిరి బిగబట్టిన బాలీవుడ్ నటుడు.. అనుకరిస్తే ప్రాణాలకే ముప్పు అంటున్న నిపుణులు
- ముంబై ఈవెంట్‌లో 15 నిమిషాలు ఊపిరి బిగబట్టిన విద్యుత్ జమ్వాల్
- హాలీవుడ్ చిత్రం ‘స్ట్రీట్ ఫైటర్’ ప్రమోషన్‌లో భాగంగా ఈ ప్రదర్శన
- ఇది పతంజలి యోగ సూత్రాల్లోని ఒక టెక్నిక్ అని చెప్పిన నటుడు
- సాధారణ ప్రజలు దీన్ని అనుకరించడం అత్యంత ప్రమాదకరమని హెచ్చరిక
- శిక్షణ లేకుండా ప్రయత్నిస్తే ప్రాణాలకే ముప్పు తప్పదని నిపుణుల స్పష్టీకరణ
ప్రముఖ బాలీవుడ్ నటుడు, మార్షల్ ఆర్ట్స్ నిపుణుడు విద్యుత్ జమ్వాల్ ఓ అరుదైన, ప్రమాదకరమైన విన్యాసాన్ని ప్రదర్శించి అందరినీ ఆశ్చర్యపరిచారు. ముంబైలో జరిగిన 'స్ట్రీట్ ఫైటర్' అనే త‌న హాలీవుడ్ చిత్రం ప్ర‌మోష‌న‌ల్‌ ఈవెంట్‌లో ఆయన సుమారు 15 నిమిషాల పాటు శ్వాసను బంధించి ధ్యాన ముద్రలో నిశ్చలంగా ఉన్నారు. తాను ఈ చిత్రంలో యోగా గురువు 'ధల్సిమ్' పాత్ర పోషిస్తున్న నేపథ్యంలో ఆ పాత్రకు సంబంధించిన నైపుణ్యాన్ని చూపించేందుకే ఈ ప్రదర్శన ఇచ్చారు.
ఈ సందర్భంగా విద్యుత్ జమ్వాల్ మాట్లాడుతూ.. ఇది పతంజలి యోగ సూత్రాల నుంచి తాను నేర్చుకున్న ఒక పురాతన టెక్నిక్ అని తెలిపారు. శ్వాసను బిగబట్టినంత సేపు కళ్లు తెరిచే ఉంచగా, సమయం గడిచేకొద్దీ ఆయన కళ్ల నుంచి నీళ్లు రావడం కనిపించింది. జీవితంలో లక్ష్యాల కోసం నిరంతరం పరుగులు పెట్టకుండా, కాసేపు ఆగి నిదానించడం కూడా ముఖ్యమని ఆయన అన్నారు. ఈ యోగ పద్ధతిని తాను యువతకు కూడా నేర్పిస్తున్నట్లు విద్యుత్ పేర్కొన్నారు.
అయితే, విద్యుత్ జమ్వాల్ చేసిన ఈ విన్యాసంపై ఆరోగ్య నిపుణులు తీవ్ర ఆందోళన వ్యక్తం చేస్తున్నారు. ఇంత ఎక్కువ సేపు ఊపిరి బిగబట్టడం సాధారణ ప్రజలకు అత్యంత ప్రమాదకరమని, ఎట్టి పరిస్థితుల్లోనూ దీన్ని అనుకరించవద్దని హెచ్చరిస్తున్నారు. విద్యుత్ జమ్వాల్ లాంటి శిక్షణ పొందిన అథ్లెట్లు, యోగా నిపుణులు సంవత్సరాల సాధన ద్వారా తమ శరీరాన్ని తక్కువ ఆక్సిజన్ స్థాయులకు అలవాటు చేసుకుంటారని, కానీ ఎలాంటి శిక్షణ లేని వారు ప్రయత్నిస్తే ప్రాణాలకే ముప్పు వాటిల్లుతుందని స్పష్టం చేశారు.
శిక్షణ లేకుండా ఇలాంటి ప్రయత్నాలు చేస్తే 'హైపోక్సియా' (శరీరానికి ఆక్సిజన్ సరఫరా తగ్గడం) బారిన పడే ప్రమాదం ఉంది. దీనివల్ల తల తిరగడం, స్పృహ కోల్పోవడం, మెదడు దెబ్బతినడం జ‌రిగి మరణం సంభవించవచ్చు. ముఖ్యంగా ఎక్కువ సేపు శ్వాస ఆపడం కోసం ముందుగా గట్టిగా ఊపిరి పీల్చి వదలడం (హైపర్‌వెంటిలేషన్) మరింత ప్రమాదకరమని నిపుణులు చెబుతున్నారు.
సాంప్రదాయ ప్రాణాయామ పద్ధతుల్లో శ్వాసను నియంత్రించడం ఒక భాగమే అయినప్పటికీ, దానికి సరైన శిక్షణ, నిపుణుల పర్యవేక్షణ తప్పనిసరి. గుండె, ఊపిరితిత్తులు లేదా ఇతర ఆరోగ్య సమస్యలు ఉన్నవారు ఇలాంటి కఠినమైన పద్ధతులకు దూరంగా ఉండాలని, వైద్యుల సలహా తీసుకోవాలని సూచిస్తున్నారు. విద్యుత్ జమ్వాల్ ప్రదర్శించింది సంవత్సరాల కఠోర సాధన ఫలితమేనని, దీన్ని ఒక ఫిట్‌నెస్ ఛాలెంజ్‌గా భావించి ఎవరూ ప్రాణాలతో చెలగాటం ఆడవద్దని నిపుణులు హెచ్చరిస్తున్నారు.
ఈ సందర్భంగా విద్యుత్ జమ్వాల్ మాట్లాడుతూ.. ఇది పతంజలి యోగ సూత్రాల నుంచి తాను నేర్చుకున్న ఒక పురాతన టెక్నిక్ అని తెలిపారు. శ్వాసను బిగబట్టినంత సేపు కళ్లు తెరిచే ఉంచగా, సమయం గడిచేకొద్దీ ఆయన కళ్ల నుంచి నీళ్లు రావడం కనిపించింది. జీవితంలో లక్ష్యాల కోసం నిరంతరం పరుగులు పెట్టకుండా, కాసేపు ఆగి నిదానించడం కూడా ముఖ్యమని ఆయన అన్నారు. ఈ యోగ పద్ధతిని తాను యువతకు కూడా నేర్పిస్తున్నట్లు విద్యుత్ పేర్కొన్నారు.
అయితే, విద్యుత్ జమ్వాల్ చేసిన ఈ విన్యాసంపై ఆరోగ్య నిపుణులు తీవ్ర ఆందోళన వ్యక్తం చేస్తున్నారు. ఇంత ఎక్కువ సేపు ఊపిరి బిగబట్టడం సాధారణ ప్రజలకు అత్యంత ప్రమాదకరమని, ఎట్టి పరిస్థితుల్లోనూ దీన్ని అనుకరించవద్దని హెచ్చరిస్తున్నారు. విద్యుత్ జమ్వాల్ లాంటి శిక్షణ పొందిన అథ్లెట్లు, యోగా నిపుణులు సంవత్సరాల సాధన ద్వారా తమ శరీరాన్ని తక్కువ ఆక్సిజన్ స్థాయులకు అలవాటు చేసుకుంటారని, కానీ ఎలాంటి శిక్షణ లేని వారు ప్రయత్నిస్తే ప్రాణాలకే ముప్పు వాటిల్లుతుందని స్పష్టం చేశారు.
శిక్షణ లేకుండా ఇలాంటి ప్రయత్నాలు చేస్తే 'హైపోక్సియా' (శరీరానికి ఆక్సిజన్ సరఫరా తగ్గడం) బారిన పడే ప్రమాదం ఉంది. దీనివల్ల తల తిరగడం, స్పృహ కోల్పోవడం, మెదడు దెబ్బతినడం జ‌రిగి మరణం సంభవించవచ్చు. ముఖ్యంగా ఎక్కువ సేపు శ్వాస ఆపడం కోసం ముందుగా గట్టిగా ఊపిరి పీల్చి వదలడం (హైపర్‌వెంటిలేషన్) మరింత ప్రమాదకరమని నిపుణులు చెబుతున్నారు.
సాంప్రదాయ ప్రాణాయామ పద్ధతుల్లో శ్వాసను నియంత్రించడం ఒక భాగమే అయినప్పటికీ, దానికి సరైన శిక్షణ, నిపుణుల పర్యవేక్షణ తప్పనిసరి. గుండె, ఊపిరితిత్తులు లేదా ఇతర ఆరోగ్య సమస్యలు ఉన్నవారు ఇలాంటి కఠినమైన పద్ధతులకు దూరంగా ఉండాలని, వైద్యుల సలహా తీసుకోవాలని సూచిస్తున్నారు. విద్యుత్ జమ్వాల్ ప్రదర్శించింది సంవత్సరాల కఠోర సాధన ఫలితమేనని, దీన్ని ఒక ఫిట్‌నెస్ ఛాలెంజ్‌గా భావించి ఎవరూ ప్రాణాలతో చెలగాటం ఆడవద్దని నిపుణులు హెచ్చరిస్తున్నారు.
