‘కల్కి 2898 ఏడీ’కి జాతీయ అవార్డులు.. ఆసక్తికర విషయాలు పంచుకున్న నాగ్ అశ్విన్
- ‘కల్కి 2898 ఏడీ’కి రెండు జాతీయ అవార్డులు
- భారీ ప్రపంచాన్ని ప్రేక్షకులకు చేరువ చేశామన్న దర్శకుడు
- కోట్లాది మంది సినిమాతో కనెక్ట్ అయ్యారన్న నాగ్ అశ్విన్
- ప్రొడక్షన్ డిజైన్ అవార్డుపై ప్రత్యేకంగా స్పందన
- భారతీయ మూలాలతో కొత్త ప్రపంచాల సృష్టికి ప్రాధాన్యమిస్తామని వెల్లడి
‘కల్కి 2898 ఏడీ’ సినిమాకు రెండు జాతీయ అవార్డులు రావడంపై దర్శకుడు నాగ్ అశ్విన్ ఆనందం వ్యక్తం చేశారు. భారీ స్థాయిలో ఓ కొత్త ప్రపంచాన్ని సృష్టించడంతో పాటు.. దాన్ని ప్రేక్షకులకు భావోద్వేగంగా దగ్గర చేయగలిగామని అన్నారు.
ప్రభాస్ ప్రధాన పాత్రలో నటించిన ఈ చిత్రానికి ‘బెస్ట్ ఫిల్మ్ ప్రొవైడింగ్ హోల్సమ్ ఎంటర్టైన్మెంట్’, ‘బెస్ట్ ప్రొడక్షన్ డిజైన్’ విభాగాల్లో జాతీయ అవార్డులు దక్కాయి. దీనిపై నాగ్ అశ్విన్ మాట్లాడుతూ.. ‘‘ఇంత భారీ ప్రపంచాన్ని సృష్టించడం సాంకేతికంగా, నిర్వహణ పరంగా పెద్ద సవాలు. ఆ ప్రపంచాన్ని ప్రేక్షకులకు భావోద్వేగంగా చేరువ చేయగలిగాం. సినిమాతో కోట్లాది మంది కనెక్ట్ అయ్యారు. అందులోని ప్రపంచం, పాత్రలను ప్రేమించారు. ఈ రెండు విషయాలను సాధించగలగడం మాకు చాలా ప్రత్యేకం’’ అని తెలిపారు.
‘కల్కి 2898 ఏడీ’కి దక్కిన ప్రొడక్షన్ డిజైన్ అవార్డుపై కూడా ఆయన స్పందించారు. ఇప్పటికే ఉన్న ప్రపంచాన్ని అనుకరించకుండా.. సినిమాకు ప్రత్యేకమైన విజువల్ గుర్తింపు ఉండేలా ప్రయత్నించామని చెప్పారు. ఇకపై కూడా భారతీయ మూలాలతో కూడిన కొత్త తరహా ప్రపంచాలను సృష్టించడమే తమ లక్ష్యమని పేర్కొన్నారు.
నాగ్ అశ్విన్కు జాతీయ అవార్డు దక్కడం ఇదే తొలిసారి కాదు. కీర్తి సురేశ్ ప్రధాన పాత్రలో తెరకెక్కిన ‘మహానటి’ చిత్రానికి 2018లో ఉత్తమ చిత్రంగా జాతీయ అవార్డు వచ్చింది. ఇప్పుడు ‘కల్కి 2898 ఏడీ’తో ఆయనకు మరో రెండు అవార్డులు దక్కాయి.
ప్రభాస్ ప్రధాన పాత్రలో నటించిన ఈ చిత్రానికి ‘బెస్ట్ ఫిల్మ్ ప్రొవైడింగ్ హోల్సమ్ ఎంటర్టైన్మెంట్’, ‘బెస్ట్ ప్రొడక్షన్ డిజైన్’ విభాగాల్లో జాతీయ అవార్డులు దక్కాయి. దీనిపై నాగ్ అశ్విన్ మాట్లాడుతూ.. ‘‘ఇంత భారీ ప్రపంచాన్ని సృష్టించడం సాంకేతికంగా, నిర్వహణ పరంగా పెద్ద సవాలు. ఆ ప్రపంచాన్ని ప్రేక్షకులకు భావోద్వేగంగా చేరువ చేయగలిగాం. సినిమాతో కోట్లాది మంది కనెక్ట్ అయ్యారు. అందులోని ప్రపంచం, పాత్రలను ప్రేమించారు. ఈ రెండు విషయాలను సాధించగలగడం మాకు చాలా ప్రత్యేకం’’ అని తెలిపారు.
‘కల్కి 2898 ఏడీ’కి దక్కిన ప్రొడక్షన్ డిజైన్ అవార్డుపై కూడా ఆయన స్పందించారు. ఇప్పటికే ఉన్న ప్రపంచాన్ని అనుకరించకుండా.. సినిమాకు ప్రత్యేకమైన విజువల్ గుర్తింపు ఉండేలా ప్రయత్నించామని చెప్పారు. ఇకపై కూడా భారతీయ మూలాలతో కూడిన కొత్త తరహా ప్రపంచాలను సృష్టించడమే తమ లక్ష్యమని పేర్కొన్నారు.
నాగ్ అశ్విన్కు జాతీయ అవార్డు దక్కడం ఇదే తొలిసారి కాదు. కీర్తి సురేశ్ ప్రధాన పాత్రలో తెరకెక్కిన ‘మహానటి’ చిత్రానికి 2018లో ఉత్తమ చిత్రంగా జాతీయ అవార్డు వచ్చింది. ఇప్పుడు ‘కల్కి 2898 ఏడీ’తో ఆయనకు మరో రెండు అవార్డులు దక్కాయి.
