సినిమా హీరో కాకముందే అన్నయ్య నాకు హీరో.. ఆ సమయంలో ఆయన మాకు దూరమవుతాడేమోనని ఏడ్చా.. చిరంజీవిపై పవన్ భావోద్వేగ పోస్ట్!
- అన్నయ్య చిరంజీవికి భావోద్వేగభరితంగా జన్మదిన శుభాకాంక్షలు తెలిపిన పవన్
- సినిమాల్లోకి రాకముందే అన్నయ్య తనకు హీరో అని వెల్లడి
- చిన్ననాటి మధుర జ్ఞాపకాలను గుర్తుచేసుకుంటూ సోషల్ మీడియాలో సుదీర్ఘ పోస్ట్
- అన్నయ్య పెళ్లి సమయంలో ఆయన దూరమవుతాడేమోనని ఏడ్చానని వ్యాఖ్య
- ఆయన కష్టాన్ని చూసి అపరాధభావంతో బాధపడ్డానని పేర్కొన్న పవన్
మెగాస్టార్ చిరంజీవి పుట్టినరోజు సందర్భంగా ఆయన సోదరుడు, ఆంధ్రప్రదేశ్ డిప్యూటీ ముఖ్యమంత్రి పవన్ కల్యాణ్ భావోద్వేగభరితమైన పోస్ట్ చేశారు. సినిమాల్లో హీరో కాకముందు నుంచే అన్నయ్య తన దృష్టిలో హీరో అని, ఆయనతో తనకున్న అనుబంధాన్ని గుర్తుచేసుకుంటూ ఇన్స్టాగ్రామ్లో ఒక సుదీర్ఘ లేఖను పంచుకున్నారు. అన్నయ్య గురించిన ఆలోచన ఎప్పుడూ ఆనందాన్ని ఇస్తుందని పేర్కొంటూ, చిన్ననాటి మధుర జ్ఞాపకాల్లోకి తీసుకెళ్లారు.
బాల్యం నుంచే నా హీరో
"చిన్నప్పుడు అన్నయ్య నర్సాపురంలో కాలేజీ చదువు కోసం దూరంగా ఉండేవారు. వేసవి సెలవులకు ఆయన ఇంటికి వస్తే మాకు పండగలా ఉండేది. తిరిగి కాలేజీకి వెళ్లేటప్పుడు ఇల్లంతా వెలవెలబోయేది. ఆయన లేని లోటు స్పష్టంగా తెలిసేది. స్కూల్ రోజుల్లో ఆయన పక్కన నడుస్తుంటే ప్రపంచంలోనే అత్యంత ముఖ్యమైన వ్యక్తితో నడుస్తున్నట్టు గర్వంగా ఫీల్ అయ్యేవాడిని. అప్పటికి ఆయన ఇంకా కాలేజీలోనే ఉన్నారు. పొడవాటి రింగుల జుట్టు, ఎన్సీసీ క్యాడెట్ ఫిజిక్తో నాన్నగారి బుల్లెట్ బండిపై అన్నయ్య వెళ్తుంటే, అదొక ఫ్యాన్బాయ్ మూమెంట్. సినిమాల్లో హీరో కాకముందే అన్నయ్య నాకు హీరో" అని పవన్ కల్యాణ్ తన పోస్టులో వివరించారు.
ఆయన కష్టం.. నా అపరాధభావం
సినిమా కెరీర్ తొలినాళ్లలో చిరంజీవి సింగపూర్ నుంచి ఒక పెద్ద నీలిరంగు బ్యాగ్ తెచ్చారని, అందులో తన కోసం చిన్న లెగో హెలికాప్టర్, రిమోట్ కార్లు, కామిక్స్, మ్యూజిక్ టేపులు వంటి ఎన్నో బహుమతులు ఉన్నాయని గుర్తుచేసుకున్నారు. ఆ బహుమతులు తమ చిన్న ఇంట్లో ఎంతో ఆనందాన్ని నింపాయని అన్నారు.
"అన్నయ్యకు పెళ్లి అయినప్పుడు, ఆయన మాకు దూరమవుతారేమోనని భయపడి ఒక గదిలో కూర్చుని నిశ్శబ్దంగా ఏడ్చాను. అప్పుడు అన్నయ్య, వదిన నా దగ్గరకు వచ్చి 'పద, ఈరోజు నిన్ను ఒక పెద్ద మనిషికి పరిచయం చేస్తాను' అంటూ నన్ను చూసి నవ్వుకున్నారు" అని పవన్ ఆసక్తికరమైన విషయాన్ని పంచుకున్నారు.
ఆ తర్వాత తనను చెన్నై తీసుకెళ్లి చదివించినప్పుడు అన్నయ్య, వదిన చూపించిన ప్రేమను వర్ణించడానికి మాటలు చాలవన్నారు. "చెన్నైలోని వేడి, ఉక్కపోతలో 18 గంటల పాటు కష్టపడి, చెమటతో తడిసిన కాస్ట్యూమ్స్తో అర్ధరాత్రి ఇంటికి వచ్చేవారు. కనీసం నిలబడటానికి కూడా శక్తి ఉండేది కాదు. ఆయన కష్టాన్ని, త్యాగాన్ని చూసి, ఆయన సంపాదనపై బతుకుతున్నందుకు అపరాధభావంతో కుమిలిపోయేవాడిని. కానీ, నేను చదువులో వెనుకబడ్డా, సరైన దారిలో లేకపోయినా ఆయన ఒక్క మాట కూడా అనలేదు" అని పవన్ కల్యాణ్ భావోద్వేగంగా రాసుకొచ్చారు.
అలుపెరుగని యోధుడు
చిరంజీవి కేవలం కుటుంబానికే కాకుండా స్నేహితులకు, నిర్మాతలకు, సినీ పరిశ్రమలోని ప్రతి ఒక్కరికీ తన ఉదారతను పంచారని పవన్ కొనియాడారు. దక్షిణ, ఉత్తర భారత సినీ పరిశ్రమల మధ్య సాంస్కృతిక వారధిగా నిలిచారని ప్రశంసించారు. ఇటీవల వెన్నెముకకు పెద్ద ఆపరేషన్ జరిగినా, కొద్ది రోజుల్లోనే కోలుకుని మళ్లీ తన పనిలో నిమగ్నమయ్యారని, ఆయనలో అలుపెరుగని శక్తి ఉందని అన్నారు. ఆ శక్తే ఆయన్ను మనందరి 'మెగాస్టార్'ని చేసిందన్నారు.
"ప్రియమైన అన్నయ్య, ప్రకృతి మీకు సంపూర్ణ ఆరోగ్యాన్ని, అపారమైన శక్తిని, జీవితంలో అద్భుతమైన విజయాలను అందించాలని కోరుకుంటున్నాను. ఆయన జీవితం నాలాంటి కోట్లాది మందికి ఎలా స్ఫూర్తినిచ్చిందో గుర్తుచేయడమే ఈ పుట్టినరోజు శుభాకాంక్షల ఉద్దేశం" అని పేర్కొంటూ పవన్ తన పోస్టును ముగించారు.
బాల్యం నుంచే నా హీరో
"చిన్నప్పుడు అన్నయ్య నర్సాపురంలో కాలేజీ చదువు కోసం దూరంగా ఉండేవారు. వేసవి సెలవులకు ఆయన ఇంటికి వస్తే మాకు పండగలా ఉండేది. తిరిగి కాలేజీకి వెళ్లేటప్పుడు ఇల్లంతా వెలవెలబోయేది. ఆయన లేని లోటు స్పష్టంగా తెలిసేది. స్కూల్ రోజుల్లో ఆయన పక్కన నడుస్తుంటే ప్రపంచంలోనే అత్యంత ముఖ్యమైన వ్యక్తితో నడుస్తున్నట్టు గర్వంగా ఫీల్ అయ్యేవాడిని. అప్పటికి ఆయన ఇంకా కాలేజీలోనే ఉన్నారు. పొడవాటి రింగుల జుట్టు, ఎన్సీసీ క్యాడెట్ ఫిజిక్తో నాన్నగారి బుల్లెట్ బండిపై అన్నయ్య వెళ్తుంటే, అదొక ఫ్యాన్బాయ్ మూమెంట్. సినిమాల్లో హీరో కాకముందే అన్నయ్య నాకు హీరో" అని పవన్ కల్యాణ్ తన పోస్టులో వివరించారు.
ఆయన కష్టం.. నా అపరాధభావం
సినిమా కెరీర్ తొలినాళ్లలో చిరంజీవి సింగపూర్ నుంచి ఒక పెద్ద నీలిరంగు బ్యాగ్ తెచ్చారని, అందులో తన కోసం చిన్న లెగో హెలికాప్టర్, రిమోట్ కార్లు, కామిక్స్, మ్యూజిక్ టేపులు వంటి ఎన్నో బహుమతులు ఉన్నాయని గుర్తుచేసుకున్నారు. ఆ బహుమతులు తమ చిన్న ఇంట్లో ఎంతో ఆనందాన్ని నింపాయని అన్నారు.
"అన్నయ్యకు పెళ్లి అయినప్పుడు, ఆయన మాకు దూరమవుతారేమోనని భయపడి ఒక గదిలో కూర్చుని నిశ్శబ్దంగా ఏడ్చాను. అప్పుడు అన్నయ్య, వదిన నా దగ్గరకు వచ్చి 'పద, ఈరోజు నిన్ను ఒక పెద్ద మనిషికి పరిచయం చేస్తాను' అంటూ నన్ను చూసి నవ్వుకున్నారు" అని పవన్ ఆసక్తికరమైన విషయాన్ని పంచుకున్నారు.
ఆ తర్వాత తనను చెన్నై తీసుకెళ్లి చదివించినప్పుడు అన్నయ్య, వదిన చూపించిన ప్రేమను వర్ణించడానికి మాటలు చాలవన్నారు. "చెన్నైలోని వేడి, ఉక్కపోతలో 18 గంటల పాటు కష్టపడి, చెమటతో తడిసిన కాస్ట్యూమ్స్తో అర్ధరాత్రి ఇంటికి వచ్చేవారు. కనీసం నిలబడటానికి కూడా శక్తి ఉండేది కాదు. ఆయన కష్టాన్ని, త్యాగాన్ని చూసి, ఆయన సంపాదనపై బతుకుతున్నందుకు అపరాధభావంతో కుమిలిపోయేవాడిని. కానీ, నేను చదువులో వెనుకబడ్డా, సరైన దారిలో లేకపోయినా ఆయన ఒక్క మాట కూడా అనలేదు" అని పవన్ కల్యాణ్ భావోద్వేగంగా రాసుకొచ్చారు.
అలుపెరుగని యోధుడు
చిరంజీవి కేవలం కుటుంబానికే కాకుండా స్నేహితులకు, నిర్మాతలకు, సినీ పరిశ్రమలోని ప్రతి ఒక్కరికీ తన ఉదారతను పంచారని పవన్ కొనియాడారు. దక్షిణ, ఉత్తర భారత సినీ పరిశ్రమల మధ్య సాంస్కృతిక వారధిగా నిలిచారని ప్రశంసించారు. ఇటీవల వెన్నెముకకు పెద్ద ఆపరేషన్ జరిగినా, కొద్ది రోజుల్లోనే కోలుకుని మళ్లీ తన పనిలో నిమగ్నమయ్యారని, ఆయనలో అలుపెరుగని శక్తి ఉందని అన్నారు. ఆ శక్తే ఆయన్ను మనందరి 'మెగాస్టార్'ని చేసిందన్నారు.
"ప్రియమైన అన్నయ్య, ప్రకృతి మీకు సంపూర్ణ ఆరోగ్యాన్ని, అపారమైన శక్తిని, జీవితంలో అద్భుతమైన విజయాలను అందించాలని కోరుకుంటున్నాను. ఆయన జీవితం నాలాంటి కోట్లాది మందికి ఎలా స్ఫూర్తినిచ్చిందో గుర్తుచేయడమే ఈ పుట్టినరోజు శుభాకాంక్షల ఉద్దేశం" అని పేర్కొంటూ పవన్ తన పోస్టును ముగించారు.
