దుల్కర్ సల్మాన్, పూజా హెగ్డే 'శ్రీ శ్రీ'... ఫారెన్ షెడ్యూల్ పూర్తి

పాన్ ఇండియా స్టార్ దుల్కర్ సల్మాన్, స్టార్ హీరోయిన్ పూజా హెగ్డే తొలిసారి కలిసి నటిస్తున్న చిత్రం ‘శ్రీ శ్రీ’. ఈ సినిమాకు సంబంధించి ఓ కీలకమైన అప్‌డేట్‌ను చిత్రబృందం పంచుకుంది. సినిమాకు సంబంధించిన కీలకమైన విదేశీ షెడ్యూల్ తాజాగా పూర్తయినట్లు మేకర్స్ అధికారికంగా ప్రకటించారు. దీంతో సినిమా చిత్రీకరణ దాదాపు చివరి దశకు చేరుకున్నట్లయింది. త్వరలోనే పోస్ట్ ప్రొడక్షన్ పనులు వేగవంతం చేసి, ఈ ఏడాదిలోనే చిత్రాన్ని ప్రేక్షకుల ముందుకు తీసుకురావాలని నిర్మాతలు సన్నాహాలు చేస్తున్నారు.

"లవ్ విల్ స్పార్క్ ఎగైన్" అనే ట్యాగ్‌లైన్‌తో తెరకెక్కుతున్న ఈ చిత్రానికి రవి నేలకూడిటి దర్శకత్వం వహిస్తున్నారు. ఆయనకు దర్శకుడిగా ఇది తొలి చిత్రం. ప్రముఖ నిర్మాణ సంస్థ ఎస్‌ఎల్‌వి సినిమాస్ పతాకంపై సుధాకర్ చెరుకూరి ఈ చిత్రాన్ని నిర్మిస్తున్నారు. ఈ సంస్థ నుంచి వస్తున్న పదో చిత్రమిది. ఇషాన్ సక్సేనా సహ నిర్మాతగా వ్యవహరిస్తున్నారు. లవ్, ఫన్, ఎమోషన్స్ కలగలిసిన ఒక అందమైన రొమాంటిక్ ఎంటర్‌టైనర్‌గా ‘శ్రీ శ్రీ’ని తీర్చిదిద్దుతున్నారు.

ఇప్పటికే విడుదలైన వర్కింగ్ స్టిల్స్, ఫస్ట్ లుక్ పోస్టర్ సినిమాపై మంచి బజ్‌ను క్రియేట్ చేశాయి. దుల్కర్, పూజాల మధ్య కెమిస్ట్రీ అద్భుతంగా ఉందని ప్రశంసలు వస్తున్నాయి. ఈ చిత్రాన్ని తెలుగుతో పాటు తమిళం, హిందీ, కన్నడ, మలయాళ భాషల్లో పాన్ ఇండియా స్థాయిలో విడుదల చేసేందుకు ప్లాన్ చేస్తున్నారు. 

ఈ సినిమాకు జీవీ ప్రకాశ్ కుమార్ సంగీతం అందిస్తుండగా, అనయ్ ఓం గోస్వామి సినిమాటోగ్రాఫర్‌గా, అవినాష్ కొల్లా ప్రొడక్షన్ డిజైనర్‌గా పనిచేస్తున్నారు. త్వరలోనే సినిమా విడుదల తేదీని ప్రకటిస్తామని చిత్ర యూనిట్ తెలిపింది.