విజయ్‌ చివరి సినిమా రిలీజ్‌కు గ్రీన్‌ సిగ్నల్‌?.. జులైలోనే ‘జన నాయగన్‌’!

తమిళనాడు ముఖ్యమంత్రి విజయ్‌ నటుడిగా చేసిన చివరి చిత్రం ‘జన నాయగన్‌’ ఎట్టకేలకు ప్రేక్షకుల ముందుకు వచ్చే అవకాశాలు కనిపిస్తున్నాయి. పరిశ్రమ వర్గాల సమాచారం ప్రకారం ఈ సినిమాను జులైలో విడుదల చేసేందుకు నిర్మాతలు ప్లాన్‌ చేస్తున్నట్లు తెలుస్తోంది. అయితే విడుదల తేదీపై ఇప్పటివరకు ఎలాంటి అధికారిక ప్రకటన వెలువడలేదు.

ఈ సినిమా వాస్తవానికి ఈ ఏడాది సంక్రాంతికి విడుదల కావాల్సి ఉంది. కానీ సెన్సార్‌ బోర్డు క్లియరెన్స్‌ జాప్యం కావడంతో వాయిదా పడింది. గతేడాది డిసెంబర్‌లో సెన్సార్‌కు పంపిన చిత్రాన్ని రివైజింగ్‌ కమిటీకి పంపారు. ప్రస్తుతం ఆ ప్రక్రియ త్వరలో పూర్తయ్యే అవకాశం ఉందని సినీ వర్గాలు చెబుతున్నాయి.

హెచ్‌. వినోద్‌ దర్శకత్వం వహించిన ఈ చిత్రంలో విజయ్‌తో పాటు బాబీ డియోల్‌, పూజా హెగ్డే, మమితా బైజు, ప్రకాశ్‌రాజ్‌, గౌతమ్‌ వాసుదేవ్‌ మీనన్‌ కీలక పాత్రలు పోషించారు. పూర్తి స్థాయిలో రాజకీయాల్లోకి అడుగుపెట్టే ముందు విజయ్‌ నటించిన చివరి సినిమా కావడంతో ‘జన నాయకన్‌’పై అభిమానుల్లో భారీ అంచనాలు నెలకొన్నాయి.