వెంకటేశ్-కల్యాణ్ రామ్ సినిమా పేరుతో మోసం.. నమ్మొద్దని హెచ్చరించిన నిర్మాతలు
- వెంకటేశ్, కల్యాణ్ రామ్ సినిమా పేరుతో నకిలీ క్యాస్టింగ్ కాల్స్
- మోసగాళ్ల పట్ల జాగ్రత్తగా ఉండాలని హెచ్చరించిన నిర్మాణ సంస్థ
- వ్యక్తిగత వివరాలు, డబ్బులు ఇవ్వొద్దని చిత్రబృందం సూచన
- సోమవారం నుంచి ప్రారంభమైన సినిమా రెగ్యులర్ షూటింగ్
- సంక్రాంతికి సినిమాను విడుదల చేసేందుకు సన్నాహాలు
"మా సినిమా పేరుతో కొన్ని నకిలీ క్యాస్టింగ్ కాల్స్ ప్రచారంలో ఉన్నట్టు మా దృష్టికి వచ్చింది. అవి పూర్తిగా అవాస్తవం. వాటిని నమ్మి మీ వ్యక్తిగత సమాచారం, ఫొటోలు, పత్రాలు లేదా డబ్బులు ఎవరికీ ఇవ్వొద్దు. సినిమాకు సంబంధించిన అధికారిక ప్రకటనలను కేవలం మా సోషల్ మీడియా ఖాతాల ద్వారానే వెల్లడిస్తాం" అని నిర్మాణ సంస్థ తమ ప్రకటనలో పేర్కొంది.
కాగా, ఈ సినిమా రెగ్యులర్ షూటింగ్ సోమవారం నుంచే ప్రారంభమైంది. గత వారం ఈ చిత్రం పూజా కార్యక్రమాలతో లాంఛనంగా మొదలైన సంగతి తెలిసిందే. ఈ కార్యక్రమానికి ప్రముఖ నిర్మాత అల్లు అరవింద్ ముఖ్య అతిథిగా హాజరై తొలి క్లాప్ ఇచ్చారు. ఈ చిత్రంలో కీర్తి సురేశ్, కృతి శెట్టి హీరోయిన్లుగా నటిస్తుండగా, జాతీయ అవార్డు గ్రహీత జీవీ ప్రకాశ్ కుమార్ సంగీతం అందిస్తున్నారు.
అనిల్ రావిపూడికి వెంకటేశ్ తో ఇది ఐదో సినిమా కాగా, 'పటాస్' తర్వాత కల్యాణ్ రామ్తో రెండో చిత్రం. దగ్గుబాటి, నందమూరి హీరోల కలయికలో వస్తున్న ఈ సినిమాను పూర్తిస్థాయి ఫ్యామిలీ ఎంటర్టైనర్గా రూపొందిస్తున్నారు. వచ్చే ఏడాది సంక్రాంతికి ఈ చిత్రాన్ని విడుదల చేసేందుకు నిర్మాతలు సన్నాహాలు చేస్తున్నారు.
