2027 ప్రపంచకప్లో రోహిత్, కోహ్లీ ఆడతారా?... క్లారిటీ ఇవ్వని బీసీసీఐ
- 2027 వన్డే ప్రపంచకప్లో రోహిత్, కోహ్లీల ప్రాతినిధ్యంపై స్పష్టతనివ్వని బీసీసీఐ
- జట్టు ఎంపిక వ్యూహాత్మక అంశమని, బహిరంగంగా చర్చించలేమన్న బీసీసీఐ కార్యదర్శి
- సెలెక్టర్లు, కోచ్, క్రికెట్ కమిటీతో చర్చించాకే తుది నిర్ణయం ఉంటుందని వెల్లడి
ప్రస్తుతం ఆఫ్ఘనిస్థాన్తో జరుగుతున్న వన్డే సిరీస్ సందర్భంగా పీటీఐ వార్తా సంస్థతో సైకియా మాట్లాడారు. "జట్టుకు సంబంధించిన కీలక నిర్ణయాలు తీసుకునేందుకు మా వద్ద నిపుణుల బృందం ఉంది. క్రికెట్ కమిటీ, సెలెక్టర్లు, హెడ్ కోచ్ గౌతమ్ గంభీర్ మరియు ఇతర సహాయక సిబ్బందితో నిరంతరం సంప్రదింపులు జరుగుతూనే ఉంటాయి. ఇవన్నీ వ్యూహాత్మకమైన అంశాలు కాబట్టి, వీటిని మీడియా ముందు వెల్లడించే అధికారం నాకు లేదు. ఇటువంటి చర్చలు కేవలం బోర్డు సమావేశాలకే పరిమితం కావాలి" అని ఆయన పేర్కొన్నారు.
ప్రస్తుతం రోహిత్ శర్మ వయస్సు 39 ఏళ్లు కాగా, విరాట్ కోహ్లీకి 37 ఏళ్లు. వీరిద్దరూ ఇప్పటికే టీ20, టెస్ట్ ఫార్మాట్ల నుంచి రిటైర్ అయ్యారు. అయినప్పటికీ, వన్డే క్రికెట్లో కొనసాగుతూ 2027 ప్రపంచకప్లో ఆడాలనే ఆసక్తితో ఉన్నట్లు సమాచారం. కోహ్లీ తన అద్భుతమైన ఫిట్నెస్తో సానుకూల దృక్పథంతో ఉండగా, రోహిత్ను వేధిస్తున్న గాయాల సమస్యలు కొంత ఆందోళన కలిగిస్తున్నాయి. ఈ క్రమంలో వీరి భవిష్యత్తుపై బీసీసీఐ ఎలాంటి నిర్ణయం తీసుకోబోతుందనే అంశంపై సర్వత్రా ఉత్కంఠ నెలకొంది.
