విజయ్ దేవరకొండ సరసన ప్రీతి ముకుందన్ స్పెషల్ సాంగ్

టాలీవుడ్ హీరో విజయ్ దేవరకొండ, డైరెక్టర్ రవి కిరణ్ కోలా కాంబినేషన్‌లో తెరకెక్కుతున్న మాస్ యాక్షన్ ఎంటర్‌టైనర్ ‘రౌడీ జనార్ధన’ గురించి ఒక క్రేజీ అప్‌డేట్ ఫిలిం నగర్ సర్కిల్స్‌లో చక్కర్లు కొడుతోంది. దిల్ రాజు నిర్మిస్తున్న ఈ సినిమాలో ఒక స్పెషల్ సాంగ్ కోసం రవి కిరణ్ కోలా అదిరిపోయే సిచువేషన్‌ను డిజైన్ చేశారట. ఈ మాస్ నంబర్ కోసం ‘కన్నప్ప’ సినిమాతో గుర్తింపు తెచ్చుకున్న బ్యూటీ ప్రీతి ముకుందన్‌ను తీసుకోవాలని చిత్ర యూనిట్ గట్టిగా ప్లాన్ చేస్తోంది. ఇందులో భాగంగానే ప్రస్తుతం ఆమెతో చర్చలు కూడా సాగుతున్నాయని, అంతా ఓకే అయితే విజయ్ దేవరకొండతో కలిసి ప్రీతి ముకుందన్ స్టెప్పులేయడం ఖాయమని తెలుస్తోంది.

ఈ సినిమాకు సంబంధించి మరో ఇంట్రెస్టింగ్ ఎలిమెంట్ ఏంటంటే.. సీనియర్ యాక్టర్, యాంగ్రీ మ్యాన్ రాజశేఖర్ ఈ చిత్రంలో ఒక కీలక పాత్రలో కనిపించబోతున్నారు. ఆయన క్యారెక్టర్ చాలా వైవిధ్యంగా ఉండటమే కాకుండా, లుక్ పరంగా కూడా మునుపెన్నడూ చూడని విధంగా చాలా భిన్నంగా ఉండబోతోందని టాక్. కీర్తి సురేష్ హీరోయిన్‌గా నటిస్తున్న ఈ ప్రాజెక్ట్ ప్రస్తుతం టాలీవుడ్‌లో భారీ అంచనాలను క్రియేట్ చేస్తోంది. ఒకవైపు ‘రణబాలి’ సినిమా చేస్తూనే, మరోవైపు ఈ ‘రౌడీ జనార్ధన’తో బాక్సాఫీస్ వద్ద పక్కా కమర్షియల్ హిట్ కొట్టాలని విజయ్ దేవరకొండ గట్టి పట్టుదలతో ఉన్నాడు.