అభిమాని హత్య కేసు... బెయిల్ కోసం సుప్రీంకోర్టును ఆశ్రయించిన హీరో దర్శన్
- రేణుకాస్వామి హత్య కేసులో నటుడు దర్శన్ సుప్రీంకోర్టులో బెయిల్ పిటిషన్
- సాక్ష్యాల విచారణలో జాప్యం జరుగుతోందని పిటిషన్లో వెల్లడి
- గతంలో కర్ణాటక హైకోర్టు ఇచ్చిన బెయిల్ను రద్దు చేసిన సుప్రీంకోర్టు
- ప్రస్తుతం బెంగళూరు పరప్పన అగ్రహార జైలులో ఉన్న కన్నడ స్టార్
కన్నడనాట సంచలనం సృష్టించిన రేణుకాస్వామి హత్య కేసులో జైలులో ఉన్న ప్రముఖ నటుడు దర్శన్ బెయిల్ కోసం సుప్రీంకోర్టును ఆశ్రయించారు. సాక్ష్యాల విచారణలో తీవ్ర జాప్యం జరుగుతోందన్న కారణంతో ఆయన ఈ కొత్త బెయిల్ పిటిషన్ను దాఖలు చేశారు. ఈ కేసులో దర్శన్ రెండో నిందితుడిగా ఉన్న విషయం తెలిసిందే.
ఏప్రిల్ 14న దాఖలు చేసిన ఈ పిటిషన్లో దర్శన్ పలు కీలక అంశాలను ప్రస్తావించారు. ట్రయల్ కోర్టు విచారణను వేగవంతం చేయాలని గతంలో సుప్రీంకోర్టు ఆదేశించినా, అది నెమ్మదిగా సాగుతోందని పేర్కొన్నారు. విచారణ పూర్తి కావడానికి ఏడాదికి పైగా సమయం పట్టే అవకాశం ఉందని, తాను ఇప్పటివరకు దర్యాప్తునకు, విచారణకు పూర్తిగా సహకరించానని తెలిపారు.
గతంలో కర్ణాటక హైకోర్టు దర్శన్కు బెయిల్ మంజూరు చేయగా, దానిని సుప్రీంకోర్టు రద్దు చేసింది. దీంతో గత ఏడాది ఆగస్టు 14న పోలీసులు ఆయనను తిరిగి అరెస్ట్ చేశారు. హైకోర్టు బెయిల్ను సుప్రీంకోర్టు రద్దు చేసినందున, ఈసారి దర్శన్ నేరుగా సర్వోన్నత న్యాయస్థానాన్నే ఆశ్రయించారు. ప్రస్తుతం ఆయన బెంగళూరులోని పరప్పన అగ్రహార సెంట్రల్ జైలులో ఉన్నారు.
2024 జూన్ 8న దర్శన్ అభిమాని అయిన రేణుకాస్వామి దారుణ హత్యకు గురయ్యాడు. చిత్రదుర్గలోని తన స్వస్థలం నుంచి అతడిని కిడ్నాప్ చేసి, బెంగళూరుకు తీసుకొచ్చి ఒక షెడ్లో బంధించి, చిత్రహింసలకు గురిచేసి హత్య చేశారు. దర్శన్ స్నేహితురాలు పవిత్ర గౌడకు రేణుకాస్వామి అసభ్యకర సందేశాలు పంపడమే ఈ ఘాతుకానికి కారణమని పోలీసులు ఛార్జ్షీట్లో పేర్కొన్నారు. ఈ కేసులో దర్శన్, పవిత్ర గౌడ సహా 17 మందిని అరెస్ట్ చేశారు. దర్శన్ పిటిషన్పై వచ్చే వారం సుప్రీంకోర్టులో విచారణ జరిగే అవకాశం ఉంది.
ఏప్రిల్ 14న దాఖలు చేసిన ఈ పిటిషన్లో దర్శన్ పలు కీలక అంశాలను ప్రస్తావించారు. ట్రయల్ కోర్టు విచారణను వేగవంతం చేయాలని గతంలో సుప్రీంకోర్టు ఆదేశించినా, అది నెమ్మదిగా సాగుతోందని పేర్కొన్నారు. విచారణ పూర్తి కావడానికి ఏడాదికి పైగా సమయం పట్టే అవకాశం ఉందని, తాను ఇప్పటివరకు దర్యాప్తునకు, విచారణకు పూర్తిగా సహకరించానని తెలిపారు.
గతంలో కర్ణాటక హైకోర్టు దర్శన్కు బెయిల్ మంజూరు చేయగా, దానిని సుప్రీంకోర్టు రద్దు చేసింది. దీంతో గత ఏడాది ఆగస్టు 14న పోలీసులు ఆయనను తిరిగి అరెస్ట్ చేశారు. హైకోర్టు బెయిల్ను సుప్రీంకోర్టు రద్దు చేసినందున, ఈసారి దర్శన్ నేరుగా సర్వోన్నత న్యాయస్థానాన్నే ఆశ్రయించారు. ప్రస్తుతం ఆయన బెంగళూరులోని పరప్పన అగ్రహార సెంట్రల్ జైలులో ఉన్నారు.
2024 జూన్ 8న దర్శన్ అభిమాని అయిన రేణుకాస్వామి దారుణ హత్యకు గురయ్యాడు. చిత్రదుర్గలోని తన స్వస్థలం నుంచి అతడిని కిడ్నాప్ చేసి, బెంగళూరుకు తీసుకొచ్చి ఒక షెడ్లో బంధించి, చిత్రహింసలకు గురిచేసి హత్య చేశారు. దర్శన్ స్నేహితురాలు పవిత్ర గౌడకు రేణుకాస్వామి అసభ్యకర సందేశాలు పంపడమే ఈ ఘాతుకానికి కారణమని పోలీసులు ఛార్జ్షీట్లో పేర్కొన్నారు. ఈ కేసులో దర్శన్, పవిత్ర గౌడ సహా 17 మందిని అరెస్ట్ చేశారు. దర్శన్ పిటిషన్పై వచ్చే వారం సుప్రీంకోర్టులో విచారణ జరిగే అవకాశం ఉంది.
