ఐపీఎల్ 2026: ఢిల్లీ క్యాపిటల్స్ పై టాస్ గెలిచిన ఆర్సీబీ

ఢిల్లీలోని అరుణ్ జైట్లీ స్టేడియంలో ఢిల్లీ క్యాపిటల్స్ (డీసీ), రాయల్ ఛాలెంజర్స్ బెంగళూరు (ఆర్సీబీ) మధ్య కీలక పోరుకు రంగం సిద్ధమైంది. ఈ మ్యాచ్‌లో టాస్ గెలిచిన ఆర్సీబీ కెప్టెన్ రజత్ పటీదార్ ఫీల్డింగ్ ఎంచుకున్నాడు.

టాస్ గెలిచిన అనంతరం రజత్ పటీదార్ మాట్లాడుతూ.. "మేం ముందుగా బౌలింగ్ చేస్తాం. ఇది అధిక స్కోర్లు నమోదయ్యే మైదానం. ఛేజింగ్‌లో ప్రత్యర్థిపై ఒత్తిడి పెంచాలని భావిస్తున్నాం. మా జట్టులో వేర్వేరు మ్యాచ్‌లలో వేర్వేరు ఆటగాళ్లు రాణించడం సానుకూలాంశం. మంచి క్రికెట్ ఆడుతూ మా విజయాల జోరును కొనసాగించాలనుకుంటున్నాం" అని తెలిపారు.

ఢిల్లీ క్యాపిటల్స్ కెప్టెన్ అక్షర్ పటేల్ మాట్లాడుతూ.. "టాస్ గెలిస్తే మేం కూడా ఫీల్డింగే ఎంచుకునేవాళ్లం. ఇక్కడి పిచ్ ఛేజింగ్‌కు అనుకూలంగా మారుతుంది. గత మ్యాచ్‌లో 264 పరుగులు చేసినా ఓడిపోయాం. మా అత్యుత్తమ ఫీల్డర్లు కూడా క్యాచ్‌లు వదిలేశారు. అదృష్టం కలిసిరానప్పుడు దాని గురించి ఎక్కువగా ఆలోచించకూడదు. ఈ మ్యాచ్‌లో రెండు మార్పులు చేశాం. ముఖేశ్ కుమార్‌కు విశ్రాంతినిచ్చి, పవర్‌ప్లేలో వికెట్లు తీయడం కోసం విదేశీ బౌలర్లు దుష్మంత చమీర, కైల్ జేమీసన్‌లను జట్టులోకి తీసుకున్నాం" అని వివరించారు.

జట్ల వివరాలు:

ఢిల్లీ క్యాపిటల్స్
సాహిల్ పరాఖ్, కేఎల్ రాహుల్ (వికెట్ కీపర్), నితీశ్ రాణా, సమీర్ రిజ్వీ, ట్రిస్టన్ స్టబ్స్, డేవిడ్ మిల్లర్, అక్షర్ పటేల్ (కెప్టెన్), దుష్మంత చమీర, కైల్ జేమీసన్, కుల్దీప్ యాదవ్, టి. నటరాజన్.

రాయల్ ఛాలెంజర్స్ బెంగళూరు
విరాట్ కోహ్లీ, దేవదత్ పడిక్కల్, రజత్ పటీదార్ (కెప్టెన్), జితేశ్ శర్మ (వికెట్ కీపర్), టిమ్ డేవిడ్, రొమారియో షెపర్డ్, కృనాల్ పాండ్యా, భువనేశ్వర్ కుమార్, జోష్ హేజిల్‌వుడ్, సుయాశ్ శర్మ, రసిఖ్ సలామ్ దార్.