అక్షయ తృతీయకు బంగారం కొనాలా?.. ఫోన్‌పేలో చాలా సులభం!

హిందువులు ఎంతో పవిత్రంగా భావించే అక్షయ తృతీయ పర్వదినం సమీపిస్తోంది. ఈ పవిత్రమైన రోజున బంగారం కొనుగోలు చేస్తే సిరిసంపదలు వృద్ధి చెందుతాయని చాలా మంది నమ్ముతారు. ఈ సంప్రదాయాన్ని మరింత సులభతరం చేస్తూ, ప్రముఖ డిజిటల్ చెల్లింపుల సంస్థ ఫోన్‌పే తన వినియోగదారుల కోసం డిజిటల్ గోల్డ్ కొనుగోలు సౌకర్యాన్ని అందుబాటులోకి తెచ్చింది. సురక్షితమైన, పారదర్శకమైన విధానంలో వినియోగదారులు తమకు నచ్చినంత బంగారాన్ని కొనుగోలు చేయవచ్చు.

ఫోన్‌పే ప్లాట్‌ఫామ్‌లో 99.99 శాతం స్వచ్ఛత కలిగిన 24 క్యారెట్ల బంగారాన్ని కొనుగోలు చేసే అవకాశం ఉంది. ఇందుకోసం MMTC-PAMP, సేఫ్‌గోల్డ్, క్యారెట్‌లేన్ వంటి విశ్వసనీయ సంస్థలతో ఫోన్‌పే భాగస్వామ్యం కుదుర్చుకుంది. దీంతో వినియోగదారులు ఎలాంటి సందేహాలు లేకుండా స్వచ్ఛమైన బంగారాన్ని కొనుగోలు చేయవచ్చు. కేవలం ఒక్కసారే కాకుండా సిస్టమాటిక్ ఇన్వెస్ట్‌మెంట్ ప్లాన్ (SIP) విధానంలో రోజూ లేదా నెలవారీగా కొద్దికొద్దిగా బంగారం కొనుగోలు చేసి దీర్ఘకాలికంగా ఆదా చేసుకునే వెసులుబాటు కూడా ఉంది.

కనీసం రూ.10 నుంచే బంగారం కొనుగోలు చేసే సౌకర్యం ఉండటం దీనిలోని మరో ప్రత్యేకత. చెల్లింపుల కోసం యూపీఐ, యూపీఐ లైట్, క్రెడిట్/డెబిట్ కార్డులు, వ్యాలెట్, గిఫ్ట్ కార్డులు వంటి బహుళ మార్గాలను ఉపయోగించుకోవచ్చు. వినియోగదారులు తాము కొనుగోలు చేసిన డిజిటల్ బంగారాన్ని ఎప్పుడైనా, ఎక్కడి నుంచైనా అమ్ముకోవచ్చు. అమ్మిన వెంటనే సంబంధిత నగదు నేరుగా వారి బ్యాంకు ఖాతాలో జమ అవుతుంది. ఇప్పటికే దేశవ్యాప్తంగా లక్షలాది మంది వినియోగదారులు ఫోన్‌పే ద్వారా స్వచ్ఛమైన బంగారాన్ని కొనుగోలు చేస్తూ ఈ సౌకర్యాన్ని వినియోగించుకుంటున్నారు.

ఫోన్‌పేలో బంగారం ఇలా కొనండి..
ముందుగా మీ ఫోన్‌లోని ఫోన్‌పే యాప్‌ను ఓపెన్ చేయాలి.
హోమ్ స్క్రీన్‌పై కిందికి స్క్రోల్ చేస్తే 'Gold & Silver' విభాగం కనిపిస్తుంది. అక్కడ 'More' ఆప్షన్‌పై ట్యాప్ చేయాలి.
తరువాత 'Buy Gold' ఆప్షన్‌ను ఎంచుకోవాలి.
మీరు ఎంత మొత్తానికి బంగారం కొనాలనుకుంటున్నారో ఎంటర్ చేసి, 'Proceed'పై క్లిక్ చేయాలి.
స్క్రీన్‌పై 5 నిమిషాల టైమర్ ముగిసేలోపు 'Proceed to Pay' బటన్‌ను నొక్కాలి.
చివరగా మీకు అనువైన చెల్లింపు విధానాన్ని ఎంచుకుని, పేమెంట్ పూర్తి చేయాలి. 
అంతే.. డిజిటల్ బంగారం మీ ఖాతాలో జమ అవుతుంది.