Kim Jong Un: కిమ్ పాలనలో కొత్త పరిణామం.. దశాబ్దాల తర్వాత వ్యతిరేక ఓట్లను ప్రకటించిన ప్రభుత్వం
ఉత్తర కొరియాలో జరిగిన పార్లమెంటు ఎన్నికల ఫలితాల్లో ఎప్పటిలాగే అధికార వర్కర్స్ పార్టీ ఆఫ్ కొరియా ఘన విజయం సాధించింది. ఈ నెల 15న జరిగిన ఈ ఎన్నికల్లో కిమ్ జోంగ్ ఉన్ నాయకత్వంలోని పార్టీ, దాని మిత్రపక్షాలు ఏకంగా 99.93 శాతం ఓట్లను కైవసం చేసుకున్నాయి. అయితే, ఈసారి ఫలితాల్లో ఒక అనూహ్యమైన, ఆసక్తికరమైన పరిణామం చోటుచేసుకుంది. దశాబ్దాల చరిత్రలో తొలిసారిగా అధికార అభ్యర్థులకు వ్యతిరేకంగా ఓట్లు పోలైన విషయాన్ని ఆ దేశ ప్రభుత్వమే అధికారికంగా ప్రకటించింది.
ఉత్తర కొరియా 15వ సుప్రీం పీపుల్స్ అసెంబ్లీ కోసం జరిగిన ఈ ఎన్నికల్లో దేశవ్యాప్తంగా అన్ని స్థానాలనూ అధికార కూటమి అభ్యర్థులే గెలుచుకున్నారు. దేశంలో నమోదైన ఓటర్లలో ఏకంగా 99.99 శాతం మంది తమ ఓటు హక్కును వినియోగించుకున్నారని, ఇది ఒక రికార్డు అని ప్రభుత్వ మీడియా సంస్థ కొరియన్ సెంట్రల్ న్యూస్ ఏజెన్సీ (KCNA) ప్రకటించింది. విదేశాల్లో లేదా సముద్రంలో విధుల్లో ఉన్న కొద్దిమంది మాత్రమే ఓటు వేయలేదని తెలిపింది.
ఆ 0.07 శాతం ఓట్లు ఎవరివి?
ఫలితాల ప్రకారం అధికార పార్టీకి అనుకూలంగా 99.93 శాతం ఓట్లు పోలయ్యాయి. మిగిలిన 0.07 శాతం ఓట్లు అధికార అభ్యర్థులను తిరస్కరిస్తూ పోలైన వ్యతిరేక ఓట్లు అని ప్రభుత్వం అంగీకరించింది. ఉత్తర కొరియా ఎన్నికల విధానంలో ప్రతిపక్షాలు పోటీ చేసే అవకాశం ఉండదు. ప్రతి నియోజకవర్గంలో ప్రభుత్వం ముందుగానే ఆమోదించిన ఒకే ఒక్క అభ్యర్థి బరిలో ఉంటారు. ఓటర్లు ఆ అభ్యర్థికి అనుకూలంగా లేదా వ్యతిరేకంగా ఓటు వేయాల్సి ఉంటుంది. ఈ క్రమంలో 0.07 శాతం మంది ఓటర్లు ప్రభుత్వ అభ్యర్థులను తిరస్కరించారు. 1957 తర్వాత ఇలా వ్యతిరేక ఓట్ల గురించి ప్రభుత్వం బహిరంగంగా ప్రకటించడం ఇదే మొదటిసారి కావడం గమనార్హం.
ఈ ఎన్నికల ద్వారా మొత్తం 687 మంది ప్రతినిధులను ఎన్నుకున్నారు. వీరిలో కార్మికులు, రైతులు, మేధావులు, సైనికులు, అధికారులు ఉన్నారు. 2011లో తన తండ్రి కిమ్ జోంగ్ ఇల్ మరణానంతరం అధికారంలోకి వచ్చిన కిమ్ జోంగ్ ఉన్, 2019లో రాజ్యాంగ సవరణల ద్వారా తన అధికారాన్ని మరింత పటిష్ఠం చేసుకుని దేశాధినేతగా పూర్తి నియంత్రణ సాధించారు. ఈ నేపథ్యంలో ఎన్నికల ఫలితాలు ముందుగానే ఊహించినవే అయినా, స్వల్పంగానైనా ఉన్న అసమ్మతిని ప్రభుత్వం అంగీకరించడం అంతర్జాతీయంగా చర్చనీయాంశంగా మారింది.
ఉత్తర కొరియా 15వ సుప్రీం పీపుల్స్ అసెంబ్లీ కోసం జరిగిన ఈ ఎన్నికల్లో దేశవ్యాప్తంగా అన్ని స్థానాలనూ అధికార కూటమి అభ్యర్థులే గెలుచుకున్నారు. దేశంలో నమోదైన ఓటర్లలో ఏకంగా 99.99 శాతం మంది తమ ఓటు హక్కును వినియోగించుకున్నారని, ఇది ఒక రికార్డు అని ప్రభుత్వ మీడియా సంస్థ కొరియన్ సెంట్రల్ న్యూస్ ఏజెన్సీ (KCNA) ప్రకటించింది. విదేశాల్లో లేదా సముద్రంలో విధుల్లో ఉన్న కొద్దిమంది మాత్రమే ఓటు వేయలేదని తెలిపింది.
ఆ 0.07 శాతం ఓట్లు ఎవరివి?
ఫలితాల ప్రకారం అధికార పార్టీకి అనుకూలంగా 99.93 శాతం ఓట్లు పోలయ్యాయి. మిగిలిన 0.07 శాతం ఓట్లు అధికార అభ్యర్థులను తిరస్కరిస్తూ పోలైన వ్యతిరేక ఓట్లు అని ప్రభుత్వం అంగీకరించింది. ఉత్తర కొరియా ఎన్నికల విధానంలో ప్రతిపక్షాలు పోటీ చేసే అవకాశం ఉండదు. ప్రతి నియోజకవర్గంలో ప్రభుత్వం ముందుగానే ఆమోదించిన ఒకే ఒక్క అభ్యర్థి బరిలో ఉంటారు. ఓటర్లు ఆ అభ్యర్థికి అనుకూలంగా లేదా వ్యతిరేకంగా ఓటు వేయాల్సి ఉంటుంది. ఈ క్రమంలో 0.07 శాతం మంది ఓటర్లు ప్రభుత్వ అభ్యర్థులను తిరస్కరించారు. 1957 తర్వాత ఇలా వ్యతిరేక ఓట్ల గురించి ప్రభుత్వం బహిరంగంగా ప్రకటించడం ఇదే మొదటిసారి కావడం గమనార్హం.
ఈ ఎన్నికల ద్వారా మొత్తం 687 మంది ప్రతినిధులను ఎన్నుకున్నారు. వీరిలో కార్మికులు, రైతులు, మేధావులు, సైనికులు, అధికారులు ఉన్నారు. 2011లో తన తండ్రి కిమ్ జోంగ్ ఇల్ మరణానంతరం అధికారంలోకి వచ్చిన కిమ్ జోంగ్ ఉన్, 2019లో రాజ్యాంగ సవరణల ద్వారా తన అధికారాన్ని మరింత పటిష్ఠం చేసుకుని దేశాధినేతగా పూర్తి నియంత్రణ సాధించారు. ఈ నేపథ్యంలో ఎన్నికల ఫలితాలు ముందుగానే ఊహించినవే అయినా, స్వల్పంగానైనా ఉన్న అసమ్మతిని ప్రభుత్వం అంగీకరించడం అంతర్జాతీయంగా చర్చనీయాంశంగా మారింది.
