తండ్రి అయిన రణదీప్ హుడా

బాలీవుడ్ విలక్షణ నటుడు రణదీప్ హుడా ఇంట పండంటి ఆడబిడ్డ అడుగుపెట్టింది. ఆయన భార్య లిన్ లైష్రామ్ ఒక ఆడబిడ్డకు జన్మనిచ్చారు. ఈ శుభవార్తను ఆ దంపతులు సోషల్ మీడియా వేదికగా పంచుకుంటూ, తమ కుటుంబంలోకి వచ్చిన ఈ కొత్త అతిథి పట్ల సంతోషాన్ని వ్యక్తం చేశారు.

అయితే, చిన్నారి రాకతో ఆనందం హుడా కుటుంబానికి రెట్టింపు కావడం విశేషం. ఈ చిన్నారి సరిగ్గా రణదీప్ హుడా తండ్రి రణబీర్ హుడా పుట్టినరోజు నాడే జన్మించింది. తాత, మనవరాలు ఒకే రోజు బర్త్ డే జరుపుకోనుండటంతో ఇది తమకు అత్యంత ప్రత్యేకమైన, భావోద్వేగమైన క్షణమని ఈ జంట పేర్కొన్నారు. ప్రస్తుతం సోషల్ మీడియాలో సినీ ప్రముఖులు, అభిమానులు రణదీప్ హుడా దంపతులకు పెద్ద ఎత్తున అభినందనలు తెలియజేస్తున్నారు.