Anupam Kher: నిజాయతీకి సలాం.. పోయిన క్రెడిట్ కార్డును తిరిగిచ్చిన గార్డ్పై అనుపమ్ ఖేర్ ప్రశంసలు
- మార్నింగ్ వాక్లో అనుపమ్ ఖేర్ పోగొట్టుకున్న క్రెడిట్ కార్డ్
- ఇంటికి వచ్చి కార్డును తిరిగిచ్చిన సెక్యూరిటీ గార్డ్ సంజయ్ యాదవ్
- 'ఇందులో గొప్పేముంది' అంటూ గార్డ్ ఇచ్చిన సమాధానానికి ఫిదా
- త్వరలో 'ఖోస్లా కా ఘోస్లా 2'తో రానున్న అనుపమ్ ఖేర్
బాలీవుడ్ సీనియర్ నటుడు అనుపమ్ ఖేర్కు ఒక అరుదైన అనుభవం ఎదురైంది. మార్నింగ్ వాక్ సమయంలో పోగొట్టుకున్న తన క్రెడిట్ కార్డును ఒక సెక్యూరిటీ గార్డ్ నిజాయతీగా ఇంటికి వచ్చి తిరిగి ఇచ్చాడు. ఈ ఘటనతో ముంబైలో ఇంకా నిజాయతీ బతికే ఉందని అనుపమ్ ఖేర్ అన్నారు.
గతవారం మార్నింగ్ వాక్ చేస్తున్నప్పుడు తన క్రెడిట్ కార్డ్ ఎక్కడో పడిపోయిందని, ఎంత వెతికినా దొరకలేదని అనుపమ్ ఖేర్ తెలిపారు. అయితే, సమీపంలో పనిచేస్తున్న సంజయ్ యాదవ్ అనే సెక్యూరిటీ గార్డుకు ఆ కార్డ్ దొరికింది. ఆయన నేరుగా అనుపమ్ ఖేర్ ఇంటికి వచ్చి దానిని తిరిగి అందించారు. ఈ విషయాన్ని వివరిస్తూ ఖేర్ ఒక వీడియోను సోషల్ మీడియాలో పోస్ట్ చేశారు.
సంజయ్ యాదవ్ నిజాయతీని మెచ్చుకున్నప్పుడు, ఆయన "ఇందులో గొప్పేముంది!" అని చాలా సాధారణంగా సమాధానమిచ్చారని, ఆ సింప్లిసిటీ తనను ఎంతగానో ఆకట్టుకుందని ఖేర్ తన పోస్టులో పేర్కొన్నారు. "నిజాయతీ బతికే ఉంది! సంజయ్ యాదవ్ గారూ.. జై హో!" అంటూ ఆయనకు కృతజ్ఞతలు తెలిపారు.
ఇక సినిమాల విషయానికొస్తే, అనుపమ్ ఖేర్ త్వరలో 'ఖోస్లా కా ఘోస్లా 2' చిత్రంలో కనిపించనున్నారు. ఇది ఆయన కెరీర్లో 550వ సినిమా కావడం విశేషం. ఇటీవలే ఢిల్లీ విమానాశ్రయంలో సహనటుడు బోమన్ ఇరానీతో కలిసి దిగిన ఫోటోలను కూడా ఆయన పంచుకున్నారు. తన 550వ సినిమా షూటింగ్ ప్రారంభం సందర్భంగా, 1981లో ముంబైలో అడుగుపెట్టినప్పటి నుంచి తన సినీ ప్రయాణాన్ని గుర్తుచేసుకుంటూ ఆయన ఒక పోస్ట్ పెట్టారు.
గతవారం మార్నింగ్ వాక్ చేస్తున్నప్పుడు తన క్రెడిట్ కార్డ్ ఎక్కడో పడిపోయిందని, ఎంత వెతికినా దొరకలేదని అనుపమ్ ఖేర్ తెలిపారు. అయితే, సమీపంలో పనిచేస్తున్న సంజయ్ యాదవ్ అనే సెక్యూరిటీ గార్డుకు ఆ కార్డ్ దొరికింది. ఆయన నేరుగా అనుపమ్ ఖేర్ ఇంటికి వచ్చి దానిని తిరిగి అందించారు. ఈ విషయాన్ని వివరిస్తూ ఖేర్ ఒక వీడియోను సోషల్ మీడియాలో పోస్ట్ చేశారు.
సంజయ్ యాదవ్ నిజాయతీని మెచ్చుకున్నప్పుడు, ఆయన "ఇందులో గొప్పేముంది!" అని చాలా సాధారణంగా సమాధానమిచ్చారని, ఆ సింప్లిసిటీ తనను ఎంతగానో ఆకట్టుకుందని ఖేర్ తన పోస్టులో పేర్కొన్నారు. "నిజాయతీ బతికే ఉంది! సంజయ్ యాదవ్ గారూ.. జై హో!" అంటూ ఆయనకు కృతజ్ఞతలు తెలిపారు.
ఇక సినిమాల విషయానికొస్తే, అనుపమ్ ఖేర్ త్వరలో 'ఖోస్లా కా ఘోస్లా 2' చిత్రంలో కనిపించనున్నారు. ఇది ఆయన కెరీర్లో 550వ సినిమా కావడం విశేషం. ఇటీవలే ఢిల్లీ విమానాశ్రయంలో సహనటుడు బోమన్ ఇరానీతో కలిసి దిగిన ఫోటోలను కూడా ఆయన పంచుకున్నారు. తన 550వ సినిమా షూటింగ్ ప్రారంభం సందర్భంగా, 1981లో ముంబైలో అడుగుపెట్టినప్పటి నుంచి తన సినీ ప్రయాణాన్ని గుర్తుచేసుకుంటూ ఆయన ఒక పోస్ట్ పెట్టారు.
